Jambyl oblysynda bir áıel úıin 18 mln teńgege satqanymen, nebári 14 mln teńge alǵan. Ol kóshirý týraly talappen sotqa júginýge májbúr bolǵan. Aqyr sońynda taraptar kelisimge keldi, dep habarlaıdy infohub.kz.
Jambyl oblysy sottarynyń resmı Telegram-arnasynda habarlanǵandaı, Qordaı aýdandyq soty Qordaı aýylyndaǵy turǵyn úıden kóshirý jáne ony bosatý týraly daý boıynsha taraptardy tatýlastyrdy. 2025 jyldyń tamyzynda taraptar 18 mln teńge turatyn úı men jer telimin satyp-satý shartyn jasasqan. Jaýapker 14 mln teńge tólegen, alaıda qalǵan 4 mln teńgeni belgilengen merzimde tólemegen. Osyǵan qaramastan, jaýapker úıde turýdy jalǵastyrǵan. Úıdi óz erkimen bosatý týraly birneshe ret talap qoıylǵanymen, nátıje bolmaǵan, talapker sotqa júginýge májbúr bolǵan.
Tatýlastyrý rásimderin qoldaný barysynda sot taraptarǵa tatýlasýdyń tártibi men saldaryn túsindirdi. Nátıjesinde taraptar ózara kelisimge kelip, medıatıvtik kelisim jasasty. Onyń sharttaryna sáıkes, talapker jaýapker qajetti somany tólegendikten talap qoıýdan bas tartty. Jaýapker talapkerge 400 myń teńge ókildik shyǵyndy 4 aı boıy aı saıyn 100 myń teńgeden tóleýge mindettendi. Medıatıvtik kelisimdi bekitýge baılanysty sot is boıynsha is júrgizýdi toqtatty. Talapkerge búdjetten tólengen memlekettik baj qaıtaryldy. Uıǵarym zańdy kúshine engen joq.