Áleýmettik jelilerde Madlen degen atpen tanymal qazaqstandyq bloger Madına Mamadalıeva Italıaǵa sapary kezinde tonaýǵa ushyrady. Onyń aıtýynsha, Venesıaǵa bara jatqan poıyz vagonynan Louis Vuitton chemodany joǵalyp ketken, dep habarlaıdy infohub.kz.
Bloger bıznes-klassta kele jatqanyn, al júgini óz ornynyń ústinde turǵanyn aıtty. Chemodannyń ishinde kıimder, aıaq kıimder jáne brendtik sómkeler bolǵan.
«Dostar, men poıyzben Venesıaǵa bara jatyrmyn. Meni tonap ketti. Louis Vuitton chemodanymdy barlyq aıaq kıimderimmen jáne sómkelerimmen birge urlap áketti. Men bıznes-klassta kele jatyrmyn. Ol dál basymnyń ústinde turǵan, al men alǵa qarap telefonǵa qarap otyrǵanmyn da, baıqamaı qalǵanmyn», — deıdi qyz.
Mamadalıevanyń aıtýynsha, ol joǵaltýdy Venesıa kınofestıvali aıasyndaǵy is-shara qarsańynda baıqaǵan. Chemodanda bloger saparǵa daıyndaǵan zattar da bolǵan.
«Erteń men amfAR-ǵa Venesıa festıvaline baramyn, barlyq kıimderim sonda edi. Chemodanda Loro Piana-nyń kóptegen zattary, aıaq kıimder jáne basqa da dúnıeler boldy. Maǵan jaman bolyp tur», — deıdi bloger.
Mamadalıeva joǵalǵan zattardyń jalpy qunyn shamamen $70 myń dep baǵalady. Bloger kórsetken qun qaıta eseptegende shamamen 31 mln teńgeni quraıdy.