2026 jyldyń tamyzynda Qazaqstanda 166,5 myń kólik esepke qoıyldy. Tirkelgen jeńil kólikterdiń ishinde eń úlken úlesti 20 jyldan buryn shyǵarylǵan mashınalar qurady, dep habarlaıdy infohub.kz saıty.
Tamyzda barlyǵy 105,8 myń jeńil kólik esepke qoıyldy — bul jalpy sanynyń 87,5%-y. Onyń 46,6 myńy (28%) 20 jyldan astam ýaqyt buryn shyǵarylǵan. Salystyrsaq, jasy 3 jylǵa deıingi mashınalar 40,5 myńdy, ıaǵnı aı ishinde tirkelgen kólikterdiń 24,3%-yn qurady.
Taǵy 39,6 myń jeńil kóliktiń (23,8%) jasy 10-20 jyl aralyǵynda. Jasy 3-ten asqan, biraq 7 jyldan aspaıtyn mashınalar shamamen 13 myń (7,8%), al 7-10 jas aralyǵyndaǵylary 6 011 kólik (3,6%) boldy.
Osylaısha, jasy 10 jyldan asqan avtomobılder tamyzdaǵy tirkeýlerdiń 51,8%-yn qamtamasyz etti.
2026 jyldyń 1 qyrkúıeginde Qazaqstanda barlyǵy 6,09 mln kólik tirkelgen. Onyń 5,1 mln-y jeńil kólikterge tıesili.
Sonymen qatar tamyz statısıkasy jańa jáne eski mashınalar arasyndaǵy aıtarlyqtaı aıyrmashylyqty kórsetedi: jasy 3 jylǵa deıingi avtomobılder 40,5 myń bolyp esepke qoıylsa, 20 jyldan asqan mashınalar odan 6,1 myńǵa kóp boldy.
Eski jeńil kólikter eń kóp tirkelgen óńir — Almaty oblysy, munda 6 254 mashına esepke alyndy. Odan keıin Jambyl oblysy — 4 643 jáne Túrkistan oblysy — 4 559.
Buǵan deıin Kýrsıv Avto Almatyda kólik jasyna qaraı emes, shyǵaryndylar deńgeıine qaraı baǵalanatynyn habarlaǵan edi.