Keńse qyzmetkerlerin eń kóp titirkendiretin nárse — tamaq pen parfúmerıa ıisi, dep habarlaıdy infohub.kz.
HR-dırektory Tatána Grıbkovanyń aıtýynsha, suralǵandardyń 32%-y ártúrli ıisterge — tamaq ıisinen bastap áriptesteriniń parfúmine deıin — eń kóp shydaı almaıdy. Ekinshi orynda shý tur: ony qyzmetkerlerdiń 27%-y másele dep ataǵan.
Taǵy 22% respondent dymqyldyq pen buzylǵan kondısıonerlerge shaǵymdanǵan. Qyzmetkerlerdiń 19%-y úshin ashyq keńse keńistigi men jeke orynnyń jetispeýshiligi problemaǵa aınalǵan.
Suralǵandardyń 13%-y kelissóz bólmelerindegi kezek pen as úıde nemese demalys aımaǵynda orynnyń jetispeýshiligin titirkendirgish dep sanaıdy.
«Bul nátıjeler qyzmetkerlerge tek keńseniń aýdany ǵana emes, sonymen qatar keńistiktiń qanshalyqty yńǵaıly uıymdastyrylǵany mańyzdy ekenin kórsetedi», — dep atap ótti Grıbkova.
HR-sarapshy sheshim retinde keńselerde zeıindi shoǵyrlandyrýǵa arnalǵan tynysh aımaqtar qurýdy, kelissóz bólmelerin brondaýdyń túsinikti júıesin engizýdi jáne ortaq keńistikterde jetkilikti orynmen qamtamasyz etýdi usyndy.
Sonymen qatar, suralǵandardyń 10%-y keńse ortasynyń jaǵdaıyna tolyq qanaǵattanatynyn málimdedi.