Kókshetaýda kıberpolıseıler jalǵa beriletin baspanaǵa qatysty ınternet-alaıaqtyq faktisin ashty. Kúdikti qaladan myń shaqyrym jerde — Oralda bolǵan, dep habarlaıdy infohub.kz saıty.
Polıseılerdiń anyqtaýynsha, Oral turǵyny ınternette Kókshetaýdaǵy páterdi jalǵa beretini týraly habarlandyrý ornalastyrǵan. Potensıaldy klıentterdi tartý úshin ol basqa adamdardyń páteriniń fotosýretterin paıdalanyp, jaldaý aqysyn naryqtyq baǵadan tómen kórsetken.
Habarlandyrý Kókshetaý turǵynyn qyzyqtyrǵan. Aqparattyń durystyǵyn teksermeı, páterdiń bar ekenine kóz jetkizbeı, er adam «jalǵa berýshimen» baılanysqan. Hat almasý barysynda alaıaq ony aldyn ala tólem retinde aqsha aýdarýǵa kóndirgen. Jábirlenýshi 30 myń teńge aýdarǵan.
Aqshany alǵannan keıin «páter ıesimen» baılanys úzilgen. Aldanyp qalǵanyn túsingen er adam polısıaǵa júgingen.
Jedel-izdestirý is-sharalarynyń nátıjesinde kıberqylmysqa qarsy kúres basqarmasynyń qyzmetkerleri kúdiktiniń jeke basyn anyqtaǵan. Ol Oral turǵyny bolyp shyqqan. Tergeý amaldary kezinde odan uıaly telefon tárkilenip, is materıaldaryna zattaı dálel retinde qosylǵan.
Qazir polıseıler ony basqa da osyǵan uqsas qylmystarǵa qatysy bar-joǵyn tekseredi.