Kókshetaýda qoǵamdyq kólikte qalta urlyǵyna kúdikti áıel ustaldy. Almaty oblysynan kelgen áıeldi polısıa qyzmetkerleri «gastrolersha» dep ataıdy, dep habarlaıdy infohub.kz saıty.
İİM Polisia.kz portalynyń málimetinshe, qalalyq polısıaǵa bir saǵat aralyǵynda qalta urlyǵy týraly eki aryz túsken. Jábirlenýshiler — jergilikti turǵyndar, olar avtobýsta júrgennen keıin jeke zattarynyń joǵalǵanyn anyqtaǵan: qujattary men bank kartalary bar portmone. Bir jaǵdaıda jábirlenýshiniń kartasynan aqsha qolma-qol alynǵan.
Jedel-izdestirý is-sharalary barysynda kúdiktiniń jeke basy anyqtaldy. Ol Almaty oblysy Talǵar aýdanynyń turǵyny bolyp shyqty. Qazirgi ýaqytta tergeý jalǵasýda, oqıǵanyń barlyq mán-jaıy anyqtalyp, ustalǵan áıeldiń basqa da osyǵan uqsas qylmystarǵa qatysy tekserilýde.
Polısıa azamattarǵa eskertedi: qoǵamdyq kólikte adam kóp bolatyn qarbalas ýaqytta ámıandardy, telefondardy jáne qujattardy kıimniń syrtqy qaltalarynda nemese sómkelerdiń ońaı qol jetimdi bólikterinde qaldyrmańyz. Joǵaltý anyqtalǵan jaǵdaıda dereý polısıaǵa habarlasý kerek, al bank kartasy joǵalsa — banktiń mobıldi qosymshasy nemese bank telefon arqyly ony birden buǵattaý qajet. Jedel habarlasý polısıa qyzmetkerlerine qajetti sharalardy tezirek qoldanýǵa jáne oqıǵanyń mán-jaıyn anyqtaýǵa múmkindik beredi.