Qostanaı oblysynda Qarasý aýdany boıynsha memlekettik kirister basqarmasynyń burynǵy basshysy Aıazbek Qulnazarov iri kólemdegi alaıaqtyqqa oqtalý jáne laýazymdyq ókilettigin asyra paıdalaný faktisi boıynsha sottaldy, dep habarlaıdy infohub.kz.
Tergeý derekterine sáıkes, 2026 jyldyń naýryz aıynda sheneýnik sharýa qojalyǵynyń basshysyna salyq eseptiliginde 18 mıllıon teńge somasynda sáıkessizdikter bar ekenin aıtqan. Keıin ol onyń ulyna máseleni 7 mıllıon teńgege sheshýdi usynǵan.
Er adam Qostanaı oblysy boıynsha UQK departamentine júgingen. Nátıjesinde Aıazbek Qulnazarov aýdandyq ákimdik ǵımaratynyń janynda 5 mıllıon teńge tapsyrǵannan keıin ustaldy.
Tergeý barysynda eshqandaı salyq sáıkessizdigi joq ekeni anyqtaldy. Sotta burynǵy basqarma basshysy kinásin tolyq moıyndap, bas bostandyǵynan aıyrmaı, aıyppul salýdy surady.
Qylmys aýyr sybaılas jemqorlyq sanatyna jatatynyn eskere otyryp, sot ony 2 jyl 7 aı 15 kúnge bas bostandyǵynan aıyrýǵa jáne memlekettik qyzmette laýazym atqarýǵa ómir boıy tyıym salýǵa úkim shyǵardy. Sottalǵan adam sot zalynda kúzetke alyndy. Úkim zańdy kúshine engen joq.