Qostanaı oblysynda sot jergilikti turǵyn men «Otbasy bank» arasyndaǵy baspana kezegi máselesi boıynsha medıatıvtik kelisimdi bekitti. Áıel ózine berilgen kezektegi ishki sanatqa daý aıtqan bolatyn, dep habarlaıdy infohub.kz saıty.
Azamatsha L. mamandandyrylǵan aýdanaralyq ákimshilik sotqa Qostanaı qalasy ákimdiginiń turǵyn úı qatynastary bólimine jáne «Turǵyn úı qurylys jınaq banki» AQ «Otbasy bankke» qarsy talap aryzben júgindi. Daý baspana alý úshin esepke qoıý kezindegi ishki sanatty túzetýge qatysty boldy.
Aldyn ala qaraý barysynda taraptar janjaldy beıbit jolmen sheshýge sheshim qabyldady. Sýdıa-medıatordyń kómegimen olar kelisim jasasyp, ony bekitý úshin sotqa usyndy.
Sot kelisimniń sharttary men is materıaldaryn zerdeleı kele, taraptardyń kelisimi olardyń múddelerine saı, zańǵa qaıshy kelmeıtinin jáne basqa tulǵalardyń quqyqtaryn buzbaıtynyn anyqtady. Osyǵan baılanysty sot kelisimdi bekitti.
Kelisimniń sharttaryna sáıkes, «Otbasy bank» azamatsha L.-nyń baspana kezegindegi ishki sanatyn túzetýge mindettendi: «balalary múgedek bolyp tabylatyn nemese tárbıeleıtin otbasylar» sanatynyń ornyna oǵan «tolyq emes otbasy» sanaty beriledi. Bul rette óńir, sanat jáne kezekke qoıylǵan kún ózgerissiz qalady.
Medıasıa týraly kelisimniń bekitilýine baılanysty ákimshilik talap aryz taraptardyń tatýlasýyna oraı qaıtaryldy. Medıatıvtik kelisim zańdy kúshine endi.
Jyldar boıy baspana kezeginde turǵysy kelmeıtin qazaqstandyqtarǵa «Naýryz» ıpotekasyn paıdalanýdy usyndy. Bul týraly úkimet otyrysynda «Otbasy banki» basqarma tóraıymy Lázzat Ibragımova aıtty.