Túrkistan oblysynyń Lenger qalasynda áıelge qatygez shabýyl jasaldy: birneshe betperdeli adam jeke úıge kirip, tańǵa deıin ony uryp, azaptaǵan. Zardap shekken áıel aman qalǵany ǵajap, dep habarlaıdy infohub.kz saıty.
Internette áıeldiń denesinde kógergen jerleri men jaraqattary, isingen beti kóringen kadrlar tarady. Etıkalyq sebeptermen redaksıa bul materıaldardy jarıalamaıdy.
Túrkistan oblysy polısıa departamentiniń NUR.KZ tilshisine habarlaýynsha, shabýyl faktisi boıynsha qylmystyq is qozǵalǵan. Aldyn ala málimetterge sáıkes, túngi ýaqytta turǵyn úıge belgisiz adamdar kirip, jábirlenýshige dene jaraqatyn salyp, onyń uıaly telefonyn ıemdengen.
Qazir áıeldiń jaǵdaıy turaqty, densaýlyǵyna eshqandaı qaýip joq. Polısıa kúdiktilerdi tez arada ustaýǵa baǵyttalǵan tergeý jáne jedel-izdestirý sharalaryn júrgizip jatyr. Barlyq mán-jaılar anyqtalýda.
Tergeý barysy Túrkistan oblysy PD basshylyǵynyń baqylaýynda.