Qostanaı oblysynda jasóspirimdi qorlaý isine qatysty daý-damaı órship tur. Qostanaı prokýratýrasy sot sheshimimen kelispeı, sot aktisin qaıta qaraýdy talap etýde, dep habarlaıdy infohub.kz.
Oqıǵa Lısakovsk qalasynda bolǵan. Jasóspirim qurdastarynyń qorlaýyna ushyrap, olar óz áreketterin telefonǵa túsirip alǵan. Qorlaý vıdeosy taralyp, qoǵamda keń rezonans týdyrǵan.
12 tamyzda Qostanaı oblysynyń kámeletke tolmaǵandar isteri jónindegi mamandandyrylǵan aýdanaralyq soty aıyptalýshy jasóspirimderdiń biriniń anasyna qatysty ákimshilik isti qarady. Sot QR Ákimshilik quqyq buzýshylyq týraly kodeksiniń 127-baby 3-bóligi boıynsha ákimshilik quqyq buzýshylyq quramyn tappaı, is júrgizýdi toqtatty.
Alaıda prokýrorlar bul sheshimdi qate dep sanap, apelásıalyq shaǵym berdi. Qadaǵalaý organynyń habarlaýynsha, 2026 jylǵy 25 tamyzda Qostanaı prokýratýrasy Qostanaı oblystyq sotyna qabyldanǵan sot aktisin qaıta qaraý týraly ótinishhat engizgen. Qazirgi ýaqytta ótinishhat apelásıalyq satydaǵy sottyń qaraýynda.
Prokýratýra istiń mán-jaıyna túpkilikti quqyqtyq baǵa zańda belgilengen tártippen sot tarapynan beriletinin atap ótti. Qoǵam jáne zardap shekkenniń ata-anasy ádil sheshim kútýde.