Magnıdiń paıdasy

Magnı ómirlik mánde óte mańyzdy bolǵan 11 mıneraldan biri, bálkim eń mańyzdysy bolyp tabylady. Magnı denege azyqtar jolymen alynady, stress pen bas aýrýyna qarsy paıdaly jáne júrekti qorǵaıdy.

Astma jáne alergıalyq tumaýdy jeńildetedi. Magnı júıke jáne bulshyq et júıesiniń saýlyǵy, tis jáne súıekter úshin de mańyzdy. Keıde (Dıeta saqtaý, sport, stress jáne t.b jaǵdaılarda) magnıge qajettilik týyndaıdy. Magnı terini jáne shashty ádemileıdi, tyrnaqtardy qýattandyrady. 300 fermentti jumys istetedi jáne osy arqyly zat almasý úrdisine bolymdy áser etedi.

Magnı topyraqta jáne teńiz sýlarynda saqtalǵan. Bul mıneral fýnksıalaryn oryndaı alýy úshin denege árdaıym berilýi kerek. Sondaı-aq kóp terlegen jáne ishti aıdaıtyn dárini ishken adamdarda deneden kóp mólsherde magnı ketedi. Al stress, júktilik jáne bala emizý sıaqty jaǵdaılarda deneniń magnıge degen qajettiligi odan da arta túsedi jáne dene bul mıneraldy jetkilikti mólsherde almaǵandyqtan, súıekterdegi magnıdi qoldanýǵa kirisedi. Asqazan-ishek joldarynda, nesep joldarynda jáne aıaqtaǵy sińirdiń tartylýy, júrek soǵýynyń buzylýy, moıynda jáne ıyqta tartylýlar nemese ashýlanshaqtyq, aıaq-qoldyń uıýy bas aýrýy, joǵary daýysqa qarsy sezimtal bolý magnıdiń azdyǵynyń belgisi.

Magnı – dándi-daqyldarda, burshaqqyndylarda, kókónisterde, jumyrtqada, almada, jańǵaqta, kúnbaǵysta, sábizde, baldyrkókte jáne salat japyraqtarynda kóp mólsherde tabylady.