Jetisý oblysynda iri qara maldy serıaly urlaý týraly qylmystyq istiń tergeýi aıaqtaldy. Sarqan aýdanynyń alty turǵyny mal urlaý aıybymen sot aldyna keldi, dep habarlaıdy infohub.kz saıty.
İİM Polisia.kz medıaportalynyń málimetinshe, tergeý barysynda qylmyskerlerdiń aldyn ala sóz baılasyp áreket etkeni anyqtaldy. Olar urlanǵan maldy Alakól aýdanynyń aýmaǵynan Sarqan aýdanyna aıdap ákelgen, onda maldyń bir bóligin soıyp, etin satpaq bolǵan.
Jetisý oblysy prokýratýrasymen birlesip júrgizilgen jedel-tergeý is-sharalarynyń nátıjesinde árbir aıyptalýshynyń jasaǵan qylmysqa qatysy anyqtaldy. Jınaqtalǵan dáleldemeler oqıǵanyń tolyq beınesin qalpyna keltirýge jáne árbir aıyptalýshynyń rólin aıqyndaýǵa múmkindik berdi.
Sot úkimimen alty aıyptalýshynyń barlyǵy 61 bas iri qara mal urlaǵany úshin kináli dep tanyldy. Mal ıelerine keltirilgen jalpy zalal 28,8 mıllıon teńgeni qurady. Sot olarǵa eki jyldan bes jylǵa deıingi merzimge bas bostandyǵynan aıyrý jazasyn taǵaıyndady.