InfoHub Logo

Mańǵystaý oblysy, Túpqaraǵan aýdany,
Fort - Shevchenko qalasy, MKQK «Aıgólek»
balabaqshasynyń tárbıeshisi Raýshan Sısenbaeva

Bilim berý salasy: «Tanym, Áleýmettik orta, Shyǵarmashylyq»
Uıymdastyrylǵan oqý is - áreketi:«Kórkem ádebıet, Matematıka, Músindeý, Qorshaǵan orta»
Taqyryby: «Mańǵystaý - meniń mekenim»
Maqsaty:Ulttyq mádenıet pen ónerdiń tálimdik múmkindikterin asha otyryp,
ǵasyrdan - ǵasyrǵa jalǵasqan asyl muralar arqyly rýhanı - adamgershilik qasıeti, erlik rýh,
ásemdigi jetilgen tulǵany qalyptastyrý. Mańǵystaý ólkesiniń kórnekti jerleri týraly túsinikter qalyptastyrý.
Tárbıelik máni:Týǵan jerge qamqorlyq jasaýǵa, adamgershilikke tárbıeleý.
Damytýshylyq:Oılaý, este saqtaý, oı - órisin damytý.
Ádis - tásilder:Suraq - jaýap, túsindirý, oıyn túrleri.
Sózdik jumys:tarıhı, eskertkish.
Kórnekilikter:Mańǵystaý ólkesiniń kórneki jerleriniń sýretteri, ósimdikteri, janýarlary, dıdaktıkalyq materıaldar.

Balalardyń qonaqtarmen sálemdesip shattyq sheńberine jınalýy.
Shattyq sheńberi:
Alaqandy ashaıyq
Kúnniń nuryn shashaıyq
Taza aýany jutaıyq
Júrekke jylý syılaıyq
Jınalǵan jyly shýaqty
Qonaqtarǵa shashaıyq
Sálemetsizder me, qonaqtar!
Esik qaǵylyp, topqa «Saıahatshy» kiredi.
Sálemetsizder me, balalar!
Men, sizdermen birge Mańǵystaý ólkesiniń kórnekti jerlerine saıahat jasaýǵa keldim. Saıahatshymyzǵa qalamyzdy tanystyraıyq.
Qazir jyldyń qaı mezgili? /«Kóktem» mezgili/
Kóktem mezgilinde neshe aı bar? /Kóktem mezgilinde úsh aı bar/
Qazir kóktem mezgiliniń qaı aıy? /Mamyr aıy/
Kóktem mezgiliniń erekshelikteri qandaı? /Kún jylynady, qustar jyly jaqqa ushyp keledi, jer kógere bastaıdy./
Balalar, sizder qaı ólkede turasyz? /Mańǵystaý ólkesinde/
Olaı bolsa, aýdanyńyz qalaı atalady? /Túpqaraǵan aýdany/
Sizder turatyn qala qalaı atalady? /Fort - Shevchenko qalasy/
Fort - Shevchenko qalasynda qandaı eskertkishter, kórneki jerler bar? /Isa - Dosan eskertkishi, murajaı, saıabaq./

Mańǵystaý týraly kim taqpaq biledi?
Meırambek:
Mańǵystaý - kóne tarıh kýágeri
Bilmeımiz qansha ǵasyr, jyl ilgeri
Babalar basyn qurap qonys qylǵan
Shamasy jyldar ótken tym ilgeri.
Batyr:
Mańǵystaý - talaı jaqsy ótken jeri
Máńgilik ata - qonys etken jeri
Syrt dushpan kózin salmaı ketken jeri.
Aıym:
Mańǵystaý - oshaq orny - jer kıeli
Qyzyl nar qońyraýlatyp júgin artyp
Ájeler kósh bastaǵan aq túıeli.
Saıahatshy balalarmen qoshtasyp, saıahatyn jalǵastyrady.
Balalar, Mańǵystaý ólkesiniń
kórneki jerleri óte kóp eken. Men sizdermen qoshtasa otyryp, saıahatymdy jalǵastyraıyn.
Balalar, Saıahatshymyz Fort - Shevchenko qalasymen tanysyp, saıahatyn Mańǵystaýdyń kórneki jerlerin aralaýmen jalǵastyrady. Biz de, belgilengen ortalyqtarymyzǵa jaıǵasaıyq.

«Áleýmettik»ortalyq

Mańǵystaý oblysy Qazaqstannyń Batysynda Kaspıı teńiziniń shyǵys jaǵalaýynda ornalasqan. Mańǵystaý ólkesiniń aýmaǵy - mal sharýashylyǵynyń damýyna kóp septigin tıgizetin jýsan ósimdigi ósetin shóldi aımaq. Mańǵystaýdyń tabıǵaty ǵajap, teńizdiń taza aýasymen tynystaıtyn balyq aýlaý múmkinshilikteri qum jaǵalaýly Kaspııdiń jartasty júzdegen aımaqtyi bolsa, shólderdiń kórinisi bolyp tabylatyn qumdy aımaqtar. Dúnıejúzilik muhıt deńgeıinen - 132 metr tómen ornalasqan Qaraqıa oıpaty. Mańǵystaý – Uly Jibek jolynyń bir bólshegi jáne qaıtalanbas sulýlyq aımaǵy. Eń ataqty eskertkishterdiń biri Beket - Ata meshiti – taýdy oıyp jasalǵan. Beket - Ata musylman elinde kóripkel jáne áýlıe retinde tanylǵan. Adamdardy emdegen ózine kelgen álsizder men jábirlenýshilerge ol densaýlyq pen kúsh syılaǵan. Daýlarda eki jaqty ortaq kelisimge ákelerdeı danalyq aıtqan.