InfoHub Logo

Qazaqstannyń qoǵam qaıratkeri, dintanýshy Beıbit Saparaly belgili tulǵa Sara Nazarbaevanyń densaýlyq jaǵdaıy týraly qupıa málimetterdi ashyq aıtty. Ol «Sadaq» medıa agenttiginiń «Dúrbi» baǵdarlamasynda bergen suhbatynda Sara Alpysqyzynyń qazirgi jaı-kúıi týraly aıtyp, kópshiliktiń kókeıindegi suraqtarǵa jaýap berdi.

Bul týraly Infohub.kz aqparat agenttigi habarlaıdy.

Saparalynyń aıtýynsha, Sara Nazarbaeva tiri jáne qazirgi tańda 85 jasta. Sońǵy jyldary ol kópshiliktiń kózinen tasa bolyp qalǵan edi. Dintanýshy muny otbasynyń basyna kelgen aýyr synaqtarmen baılanystyrady.

Otbasylyq tragedıalardyń áseri

«Sara apamyz tiri. Ony endi bizdiń aqparat kózderi baıqap jazý kerek. Árıne, jasy úlken – 85 jasta. Sońǵy ondaǵan jyl ol kisi eldiń kózinen tasa boldy. Áýlettik jaǵdaılar boldy. Aýyr jaǵdaılar boldy. Aısultan nemeresi qaıtys boldy. Onyń aldyndaǵy Rahat pen Darıǵanyń oqıǵasyn qarańyz. Onyń bári áıel adamǵa aýyr ǵoı. Bir kezde uıyp otyrǵan keremet áýlet. Bul saıası astaryn aıtyp, kim kináli, kim kinásiz degen másele emes, ol – áıel adam bárine jany ashıdy. Bárin jaqsy kóredi», – deıdi Beıbit Saparaly.

Ol Sara Nazarbaevanyń aýrýyna sebep bolǵan jaǵdaılarǵa toqtaldy. «Kómekshilerinen estigenmin. Qatty aýyrdy. Elbasy ózi ushyp kelip, qasynda úsh kún otyrǵan. Dárigerler «qaıtady» dep aıtqan. Munda adamdar aýrýyna qaraý kerek. Sara apamyzdiki – rýhanı aýrý. Balalarynyń taǵdyryn ýaıymdap, bolmaı qalǵan áýletiniń qıyn taǵdyryn oılap, sodan rýhanı keselge ushyrady», – dep qosty dintanýshy.

Densaýlyqqa zıan ádetter

Suhbat barysynda dintanýshy Sara Nazarbaevanyń densaýlyǵyna keri áser etken keıbir ádetterine de toqtaldy. «Ol kisiniń aýrýyna sebep bolǵan taǵy bir nárse… Sara apamyz sýǵa shomylýdy shyǵardy. Men kezinde qansha ret synap aıttym. Múmkin jaqtyrdy, jaqtyrmady… Elbasyǵa da jetip jatty. Tastaı sýyq sýdy tańerten turyp quıatyn. Belgili bir jasta ol densaýlyǵyna paıdaly bolǵan shyǵar. Ony sol kezde Elbasyǵa da istetti. 1994-1996 jyldary qyzyq kórip sony istep júrdi. Al endi tas tóbeńnen tastaı sýyq sý quıǵan ol ǵusylǵa jatpaıdy. Sodan kesel jınaıdy. Ekinshiden, seniń maqsatyń ne? Iá Alla, maǵan shıpa ber dep turǵan joq… Orystyń, ýkraınnyń mujyq dedyń aıtyp tur. Shırk qosylyp tur ortada… Túsinik basqa bolyp tur. Qanshama kúná jınady. Ol óte qıyn nárse. Sondyqtan ol rýhanı keselge ushyrady», – dedi Beıbit Saparaly.