Manǵystaý oblysynda patrúldik polısıa qyzmetkerleri jolda kólikte esinen tanyp qalǵan jasóspirim qyzǵa shuǵyl kómek kórsetti. Oqıǵa Aqtaý – Jetibaı tas jolynyń 40-shaqyrymynda bolǵan, dep habarlaıdy infohub.kz saıty.
Polıseıler jol jıeginde toqtap turǵan kólikti baıqap, júrgizýshige nemese jolaýshylarǵa kómek qajet bolýy múmkin dep, jaqyndap keldi. Júrgizýshimen áńgimelesý kezinde polısıa kapıtandary Turlan Orazuly men Birjan Ýsypbaev jolaýshylardyń biri – jasóspirim qyzdyń esinen tanyp qalǵanyn anyqtady.
Jaǵdaıdy baǵalaǵan tártip saqshylary ýaqyt joǵaltpaı, jasóspirim men onyń anasyn patrúldik kólikke otyrǵyzyp, Aqtaýǵa qaraı jyldam júrdi. Sonymen birge olar jedel járdem brıgadasyna habarlasyp, dárigerlerdi qarsy jolǵa shyǵýyn ótindi.
Patrúldik polısıa qyzmetkerleriniń jedel áreketiniń arqasynda qyz medısına qyzmetkerlerine ýaqytynda tapsyryldy. Keıin ony tekserý jáne qajetti kómek kórsetý úshin oblystyq balalar aýrýhanasyna jetkizdi.
Belgili bolǵandaı, qyz jáne onyń ata-anasy Qazaqstanǵa Daǵystannan kelgen.