Birjan sal aýdanynyń prokýratýrasy jergilikti organdardyń normatıvtik quqyqtyq aktilerin taldaý kezinde jeke derekterdi qorǵaý týraly zańnamanyń buzylǵanyn anyqtady. Bul baǵyttaǵy jumys turaqty negizde júrgizilip, azamattardyń konstıtýsıalyq quqyqtaryn qamtamasyz etýge baǵyttalǵan, dep habarlaıdy infohub.kz.
Anyqtalǵandaı, aýdandyq máslıhattyń 2024 jylǵy 25 jeltoqsandaǵy № S-18/3 sheshimimen jaıylymdardy basqarý jospary bekitilgen. Ashyq qoljetimdilikte ornalastyrylǵan qujatta 2 myńǵa jýyq jer paıdalanýshynyń jeke derekteri bolǵan. Jarıalanǵan málimetterdiń qatarynda tegi, aty, ákesiniń aty, JSN, BSN, sondaı-aq kadastrlyq nómirleri men aýdandary kórsetilgen jer ýchaskeleri týraly aqparat bar.
Prokýratýrada atap ótkendeı, aqparattyń mundaı jarıa bolýy Qazaqstan Respýblıkasy Konstıtýsıasynyń 21-babyna jáne «Jeke derekter jáne olardy qorǵaý týraly» zańnyń erejelerine qaıshy keledi. Sonymen qatar, bul derekterdi zańsyz paıdalaný, onyń ishinde yqtımal alaıaqtyq áreketter úshin qaýip tóndirdi.
Prokýrorlyq yqpal etý qorytyndysy boıynsha máslıhattyń sheshimi kúshin joıdy. Osylaısha, jeke derekterdiń odan ári taralýyna jol berilmeı, kóptegen azamattardyń quqyqtary qorǵaldy.
Vedomstvo halyqtyń quqyqtary men zańdy múddelerine áser etetin buzýshylyqtardy anyqtaý jáne jolyn kesý boıynsha jumystardyń jalǵasatynyn atap ótti.