22 tamyzda Almatydaǵy Mega Alma-Ata saýda-oıyn-saýyq ortalyǵynda órt dabyly qaǵylyp, kelýshiler evakýasıalandy. Oqıǵa ornyna órt sóndirý brıgadalary keldi, dep habarlaıdy infohub.kz.
Evakýasıa prosesi túsirilgen beınejazbalar áleýmettik jelilerde tez tarady.
Qalalyq tótenshe jaǵdaılar departamentinde shaqyrtýdyń joǵary dárejesi rastalmaǵanyn, ashyq janý anyqtalmaǵanyn habarlady.
«Ashyq janý anyqtalǵan joq. Al avtomatty órt dabylynyń nege qaǵylǵanyn mamandar anyqtaıtyn bolady», — dep túsindirdi TJD baspasóz qyzmeti.
Mega Alma-Ata-nyń resmı Instagram-paraqshasynda adamdardyń ómiri men densaýlyǵyna qaýip joq ekeni, al saýda ortalyǵynyń ózi ádettegi rejımde jumysyn jalǵastyryp jatqany habarlandy.
«Qurmetti kelýshiler! Mega Alma-Ata-da órt dabyly qaǵyldy. Jaǵdaı baqylaýda, barlyq júıe qalypty rejımde jumys istep tur. Saýda ortalyǵy jumysyn jalǵastyrýda. Kelýshilerdiń ómiri men densaýlyǵyna qaýip joq. Qazir biz tekserý júrgizip, oqıǵanyń mán-jaıyn anyqtap jatyrmyz. Túsinistik tanytqandaryńyzǵa rahmet», — delingen saýda ortalyǵynyń habarlamasynda.
Dabyldyń qaǵylý sebepteri anyqtalyp jatyr.
Buǵan deıin «Kýrsıv» Mega Alma-Ata-da eskalatorda Órmekshi-adam kostúmin kıgen on shaqty adamnyń beınejazbasy paıda bolǵanyn habarlaǵan edi. Bir táýlik ishinde beınerolık 54 myńnan astam qaralym jınady.