InfoHub Logo

Serýen Berdhojaqyzy

Taqyryby: Memlekettik rámizder – ult qundylyǵy.
Sabaqtyń maqsaty:
Bilimdilik: Qazaqstan Respýblıkasynyń Memlekettik rámizderi týraly bilimderin pysyqtaý. Áńgime jáne óleńder arqyly bilimderin tolyqtyrý.
Tárbıelik: oqýshylardy Otan súıgishtikke, patrıottyqqa tárbıeleý.
Damytýshylyq: oqýshylardyń ómirge degen kózqarasyn jaqsylyqqa baǵyttaý, óz oılaryn qoryta bilý daǵdysyn damytý.
Sabaqtyń kórnekiligi: QR - nyń Memlekettik rámizderi, ınterbelsendi taqta, slaıd, kitaptar kórmesi
Pánaralyq baılanys: ádebıet, mýzyka, tarıh
Sabaqtyń túri: tárbıe saǵaty
Sabaqtyń ádis – tásili: áńgimeleý, tyńdaý, suraq – jaýap
Sabaqtyń barysy:
Qazaqstan Respýblıkasynyń Memlekettik týy turady.
Qazaqstan Respýblıkasynyń Memlekettik Gımni Týǵa qarap turyp, oń qoldy sol jaq júrek tusyna qoıyp oryndalady.
Iran Ǵaıyp aǵamyz:
Ózińdiki Taýyń da,
Ot pen Aýa, Sýyń da.
Jasa, Qazaqstanym,
Beldi bekem býyn da!,-
- dese, Qadir Myrzalıev atalaryń:
Azabyńdy shekken el,
Tozaǵyńnan ótken el.
Batysyńda qar jatsa,
Shyǵysyńda kóktem el,-
- dep sýrettep otyrǵan alyp el – bizdiń elimiz Qazaqstan Respýblıkasy.
Saılaý Baıbosyndaı aqynǵa:
Alynǵanmen bodandyq, qolda buǵaý,
Bıigine biz kútken qonbadyń – aý! –
- dep jyrlatyp júrip, ata – babanyń asyl armanyna da qol jetkizip,
“Men – qazaq, qazaqpyn”, - dep maqtanamyn,
Uranǵa “Alash” degen atty alamyn!-
- dep keýde kere urandattyq.
Táýelsiz eldiń memlekettik tili – sol halyqtyń ana tili, ıaǵnı qazaq tili bolyp 1992 jyly jáne 1995 jyly 30 tamyzda qabyldanǵan jańa Konstıtýsıada bekitildi. 1998 jyly Til týraly Zańdy kúshine keltirý úshin Memlekettik baǵdarlama jasaldy.

16 – jeltoqsan. Bul kún Qazaqstan Respýblıkasy Joǵarǵy Keńesiniń jetinshi sesıasynda «Qazaqstan Respýblıkasynyń Memlekettik táýelsizdigi týraly» Konstıtýsıalyq Zań qabyldandy. Aq Jaıyqtan Altaıǵa, Atyraýdan Alataýǵa deıingi ulan – baıtaq jerdi alyp jatqan mıllıondaǵan qazaqtyń Otany boldy, ıaǵnı terezesi teń memleket bolyp moıyndalǵan el – qazirgi táýelsiz Qazaqstan Respýblıkasy bolatyn.
Osy erkindikti, eldikti, teńdikti alǵashqylardyń biri bolyp moıyndaǵan Túrik baýyrlarymyz edi, ile – shala Kanada, Brazılıa, Úndistan, AQSH syndy álemniń alpaýyttary da moıyndap quttyqtady.
1991 jyldan bastap Táýelsizdiktiń dańǵyl da sara jolyna túskennen keıin Elbasymyz Nursultan Ábishuly Nazarbaevtyń kemel saıasatynyń arqasynda álemniń alyptarymen arqa tirestire jumystar atqaryldy. Ózge elderge shaqyrtýlar alyp, shet memleketterdiń basshylary men ókilderin bizdiń elimizben dıplomatıalyq qatynastar jasap otyrǵan tulǵa – elimizdiń «Naǵyz azamaty» degen ataqqa laıyq.

Muǵalim: - Balalar, «Naǵyz azamat» degen qandaı adam bolý kerek?
Oqýshy jaýaby:
«Naǵyz azamat» degen – ózin, basqa adamdardy, óziniń otandastaryn syılaıtyn, qadir – qasıetin qurmetteıtin adam. Olar memleket qabyldaǵan zańdy buzbaıtyn, saqtaıtyn adamdar. Naǵyz azamat bolý – óz eliniń patrıoty bolý degen sóz. Patrıot bolý – óz Otanyn syılaý, onyń jetistikterimen maqtaný, óz eliniń tarıhyn bilý, batyrlaryn este saqtap, sol el úshin talmaı eńbektený dep oılaımyn.

Muǵalim: - Durys aıtasyń,
- El tizginin óz qolyna alyp, kemel keleshekke nyq senimmen adymdaǵan Elbasy týraly ne bilesińder?
Oqýshy jaýaby:
1. 1940 jyly Almaty oblysy Qarasaı aýdany Shamalǵan aýylynda Ábishtiń otaýynda tuńǵysh ul bolyp dúnıege kelgen.