InfoHub Logo

Kesh batyp bara jatqan mezgil bolsa kerek. Alys joldan kele jatqan eki jigit bir zırattyń janynan ótip bara jatqanda, bireýi ekinshisine: «Mynaý meniń ákemniń zıraty edi, túsip quran oqı keteıik» dep attarynan túsedi. Olar zırattyń janyna tizerlep otyra qalyp: «Aǵýzý...» endi sozaqtata bergende zırat ishinen «ba-a-aq» dep baqyrǵan daýys shyǵady. Eki jigit oqı bastaǵan qurandaryn doǵara sala, attaryna minip tura qashady.

Olar sasqalaqtaı bezip kele jatqanda, anadaı jerde kele jatqan bireý kóldeneńdeı tura qalyp:

— Eı, jigitter, keskegi bar, qurttaǵan aq teke kórgen joqsyńdar ma? — dep aıǵaılapty. Sonda ólgen ákesine quran oqyǵan jigittiń joldasy:

— Eı, mynanyń ákesi me, álde bireýdiń tekesi me, áıteýir zırattyń ishinde birdeńe baqyryp jatyr, — dep jaýap beripti.

 

---