InfoHub Logo

Ashyly aýylynyń qystaǵynda bireý kelin túsiripti. Jańadan túsken kelin basyna shytyn tartpaı únemi jalań bas júredi eken. Bir kúni sol úıge Sanjynyń qum jıeginen bir shal kele jatyp, izdegen adamnyń qaı jerde ekenin uǵysýǵa úıge tússe, úıde bir boıjetken qyz ben kempir ǵana otyrsa kerek. Aman-sálemnen soń, izdegen adamnyń jónin surap jaılana shaıǵa otyrady. Shalekeń óziniń ulynyń áli úılene almaǵanyn oılap «myna qyzǵa balama qudalyq sóılese keteıin» dep kempirden:

— Myna balańyzdyń basy bos pa? Qudalasqan jeri bar ma? — deıdi.

— Oıbaı kótek! Ne deısiz, bul meniń kelinim, — deıdi kempir.

Sonda shal:

— «Burynǵynyń qoıy mańyrap kelýshi edi, endiginiń qoıy aýzyn ashyp keletin bolǵan ba?» degen eken bir sańyraý shal. Sol sekildi burynǵynyń kelini jelek jamylýshy edi, endiginiń kelini jalań bas júretin bolǵan ba? Qyzy qaısy? Kelini qaısy? Aıyrǵysyz. Kelinińizdi qyzyńyz eken dep qudalyq sóılese jazdappyn. Aıypqa buıyra kórmeńiz! — depti.

---