Óskemende esirtki jáne psıhotroptyq zattardy erekshe iri mólsherde taratty degen kúdikke ilingen 20 jastaǵy jigit ustaldy, dep habarlaıdy infohub.kz saıty.
Shyǵys Qazaqstan oblysy polısıa departamentiniń baspasóz qyzmetiniń málimetinshe, esirtki qylmysyna qarsy kúres basqarmasynyń qyzmetkerleri basqa qalanyń 20 jastaǵy turǵynynyń zańsyz áreketin toqtatty.
Jigit áleýmettik jelilerde «jumys» týraly habarlandyrýdy taýyp, usynysqa keliskeni anyqtaldy. «Osylaısha ol qaptaýshy boldy: kýratordyń nusqaýy boıynsha tyıym salynǵan zattardyń iri partıalaryn alyp, olardy usaqtap, jasyryn oryndarǵa salýǵa daıyndady. Maýsym aıynda jigit Óskemenge kelip, bul áreketin jalǵastyrdy. Eńbekaqysyn krıptovalútamen aldy», — dep málimdedi polısıa departamentinde.
Jedel is-sharalar barysynda polıseıler kúdiktiniń izine tústi. Onyń rúkzaginen qońyr tústi zat salynǵan eki orama tabyldy. Ol turǵan páterde tártip saqshylary taǵy birneshe orama zat, zıp-paketter, ızolenta jáne elektrondy tarazy tapty.
Saraptama alynǵan zattardyń quramynda α-PVP jáne mefedron bar ekenin kórsetti — jalpy salmaǵy 510 gramnan asady, sondaı-aq gashısh — 520 gramnan asady. Barlyǵy zańsyz aınalymnan bir kılogramnan astam esirtki jáne psıhotroptyq zattar alyndy.
Kúdikti ustalyp, ýaqytsha ustaý ızolátoryna qamaldy. Qylmystyq is qozǵaldy.