Pavlodarda kámeletke tolmaǵan bala segizinshi qabattan qulap, aman qaldy. Oqıǵa 9 qyrkúıek kúni keshke bolǵan, dep habarlaıdy infohub.kz saıty.
Pavlodar oblysy Tótenshe jaǵdaılar departamentiniń baspasóz qyzmeti habarlaǵandaı, jazataıym oqıǵa shamamen 21:00-de tirkelgen. Aldyn ala derekterge qaraǵanda, bala kópqabatty úıdiń segizinshi qabatyndaǵy páterdiń balkonynda bolyp, oryndyqqa shyǵyp, terezeden qulap ketken.
Vedomstvo balanyń tiri qalǵanyn, alaıda jaǵdaıy aýyr ekenin naqtylady.
Oblystyq TJD dereginshe, jyl basynan beri óńirde balalardyń bıiktikten qulaýynyń alty uqsas oqıǵasy tirkelgen, onyń ekeýi balalardyń qaza tabýymen aıaqtalǵan.
Osyǵan baılanysty qutqarýshylar ata-analarǵa terezeleri ashyq bólmelerde jáne balkondarda balalardy qaraýsyz qaldyrmaýǵa shaqyrdy. Sondaı-aq terezelerdiń janyna bala shyǵa alatyn jıhaz ben basqa da zattardy qoıýǵa bolmaıtynyn, terezelerge senimdi buǵattaǵyshtar, torlar nemese ashý shekteýishterin ornatý qajettigin usyndy.