Pavlodar oblysynda 15 tamyzda izdeýli bolǵan 47 jastaǵy er adamdy izdeý aıaqtaldy. Búgin onyń máıitin qutqarýshylar Ertis ózeninen tapty, dep habarlaıdy infohub.kz saıty.
1979 jyly 28 shildede týǵan Iýrı Soldatenkony izdeý týraly aqparatty volonterler taratty. Er adam 2026 jyly 15 tamyzda saǵat 11:40 shamasynda Sychevka aýylynyń mańyndaǵy Ertis ózeninde bolǵany aıtyldy. Sol ýaqyttan beri onyń qaıda ekeni belgisiz boldy.
«Er adamnyń týystary onyń tiri ekenine úmittenedi», — dep kórsetti volonterler.
Búgin oblystyq TJD mamandary Pavlodar aýdanynda qutqarýshylar izdeýli bolǵan adamnyń máıitin tapqanyn habarlady.
«18 tamyzda Sychevka aýylynyń mańyndaǵy Ertis ózeninde OSO qutqarýshylary 1979 jyly týǵan er adamnyń máıitin taýyp, sýdan shyǵardy. Aldyn ala málimet boıynsha, ol 15 tamyzda shomylýǵa tyıym salynǵan jerde shomylý kezinde sýǵa batyp ketken», — dedi vedomstvonyń baspasóz qyzmeti.
Pavlodar oblystyq TJD mamandary tórt kúndik izdeý jumystary barysynda qutqarýshylar qaıyqpen Ertis ózeniniń oń jáne sol jaǵalaýynyń 83 shaqyrymyn teksergenin atap ótti. Eholot kómegimen akvatorıanyń 16 900 sharshy metri zertteldi. Jaǵalaý syzyǵynyń 10 shaqyrymy jaıaý júrip ótildi. Súńgýirler 34 núktelik súńgý jasap, ózen túbiniń 3 400 sharshy metrin tekserdi.