Pavlodarda polısıa qyzmetkerleri áleýmettik jelilerde tanymal bolý úshin «Nurly jol» kópirinde qaýipti trúkter jasaǵan jol qozǵalysy erejelerin buzýshylardy anyqtady. Oqıǵanyń vıdeosy qalalyq polısıa departamentiniń Instagram-paraqshasynda jarıalandy, dep habarlaıdy infohub.kz.
Habarlamada aıtylǵandaı, júrgizýshiler men jolaýshylar óreskel manevrler jasap, kólik terezeleri men lúkterinen shyǵyp, joldyń júrý bóliginde tikeleı qaýipti áreketterge barǵan. Barlyq qatysýshylar anyqtalyp, jol qozǵalysy erejelerin óreskel buzǵany úshin jaýapqa tartyldy, al kólikter arnaıy turaqqa qoıyldy.
Polısıada sońǵy kezderi júrgizýshiler men jolaýshylardyń nazar aýdarýǵa jáne «haıp jınaýǵa» tyrysyp, jol qozǵalysy erejelerin buzatyn qaýipti úrdis taralyp jatqanyn atap ótedi.
«Júrgizýshiler men jolaýshylar joldyń qaýipti oıyn-saýyq orny emes ekenin este saqtaýy kerek. Mundaı áreketter tek buzýshylardyń ózderine ǵana emes, jol qozǵalysynyń basqa qatysýshylaryna da qaýip tóndiredi», — dedi Pavlodar qalasy PB patrúldik polısıa batalónynyń komandıri Jandos Baıkenov.