Pavlodardyń 44 jastaǵy turǵyny, birinshi toptaǵy kórý qabileti boıynsha múgedek Madına Ábdiǵazızova uzaq ýaqyt boıy resmı jumys taba almaı júr, dep habarlaıdy infohub.kz saıty.
Pavlodarlyq áıel resmı jumys istegisi keletinin, dıplomy bar ekenin, biraq ázirge kezdeısoq tabysqa qanaǵattanýǵa týra keletinin aıtady. «Bıyl men "meıirbıke isi" mamandyǵy boıynsha joǵary medısınalyq kolejdi bitirdim, massajıst biliktiligi bar, grant boıynsha oqydym, stıpendıa aldym. Men 20 jyldan beri massajben aınalysamyn. 1999 jyly kýrstardy bitirdim, endi jumysqa ornalasqym kelgende, maǵan medısınalyq bilim kerek dedi. Qazir mende medısınalyq bilim bar, barlyq qujattarym bar. Úlken ótinish - meni tyńdańyzdar! Men jumys istegim keledi», - dedi Madına Ábdiǵazızova.
Ol ulymen birge jaldamaly páterde turady. Múgedektigi men asyraýshysynan aıyrylýy boıynsha beriletin 158 myń teńge járdemaqyǵa áreń jetetinin aıtady. «Men Pavlodardaǵy Halyqty jumyspen qamtý ortalyǵyna júgindim, esepke turdym, biraq eshqandaı nátıje joq. Emdik massaj, balalar massajy, aparattyq massaj jasaımyn. Mende sóıleıtin tonometr bar, ony ınternet-dúkennen satyp aldym. Qart adamdarǵa massaj jasamas buryn, qan qysymyn ólsheımin. Memleket maǵan noýtbýk berdi, telefon berdi, bári bar, maǵan tek ómir súrý úshin jumys isteý kerek», - dedi pavlodarlyq.
Pavlodardaǵy Mansap ortalyǵynda qazirgi ýaqytta olarda jumyssyz retinde 185 múgedek adam tirkelgenin atap ótti. Qazir múmkindigi shekteýli jandardy jumyspen qamtý boıynsha 69 uıym kirgen tizim bekitilgen, onda barlyǵy 212 kvotalyq oryn qarastyrylǵan. Jumys ártúrli. Negizinen bilim berý jáne densaýlyq saqtaý uıymdarynda.
«Eger Madına Ábdiǵazızovaǵa qatysty aıtatyn bolsaq, biz bul sektorda birneshe ret jumys usyndyq, ol joldama aldy, bul saýyqtyrý kesheni. Qazir ol rezervte, oǵan jumysqa ornalasýǵa kómektesý úshin sýbsıdıalanatyn jumys ornyn qarastyrýdy josparlap otyrmyz. Óz tarapymyzdan oǵan barynsha kómektesýge tyrysamyz», - dedi Pavlodardaǵy Mansap ortalyǵynyń dırektory Qarlyǵash Asaımova.
Sondaı-aq munda kún saıyn eńbek naryǵyn jáne jumys berýshilerdiń ózekti bos jumys oryndaryn baqylap otyratynyn qosty. Jalpy jyl basynan beri 54 múgedek adam turaqty jumys oryndaryna, 12-si kvotalyq oryndarǵa resimdeldi. Madına Ábdiǵazızova jaqyn arada ózi de osy tizimge enetinine úmittenedi.