Pavlodarlyq pedagog mamandyǵy boıynsha memlekettik grantta oqyǵan stýdentka oqý aqysyn qaıtardy, degenmen sot ony aıyppul tóleýden bosatty. Bul týraly infohub.kz saıty habarlady.
Bul is Pavlodar oblystyq sotynyń apelásıalyq satysynda «Qarjy ortalyǵy» AQ-nyń azamatsha T-ǵa qatysty talaby boıynsha qaraldy. Qyz pedagogıkalyq mamandyq boıynsha dıplom alyp, keminde úsh jyl jumys isteý mindettemesine qol qoıdy. Oqýdy bitirgennen keıin ony Jumyspen qamtý ortalyǵyna jiberdi, biraq ol mindettemesin oryndamady.
Nátıjesinde odan 1 773 200 teńge kólemindegi oqý shyǵyny óndirildi, al aıyppul óndirýden sot bas tartty. Sot alqasy shyǵyndardy óteý talabyn zańdy dep sanady, sebebi jumys isteý mindettemesi oryndalmaǵan jáne odan bosatýǵa negiz joq. Sonymen qatar, aıyppuldan bas tartýdy zańdy dep tapty, óıtkeni kelisimshartta da, zańnamada da mundaı mindetteme qarastyrylmaǵan.