Pavlodarda polısıa departamentiniń talaby boıynsha sot esirtki esebinde turǵan jergilikti turǵynnyń kólik júrgizý quqyǵyn toqtatty, dep habarlaıdy infohub.kz saıty.
Pavlodar oblysy sottarynyń resmı Telegram-arnasynda habarlanǵandaı, Pavlodar qalasynyń aýdanaralyq azamattyq ister jónindegi soty oblystyq PD-nyń er adamǵa qatysty kólik júrgizý quqyǵyn toqtatý týraly talaby boıynsha azamattyq isti qarady.
Sot anyqtaǵandaı, 2019 jyldyń 9 tamyzynda er adamǵa «V, V1» sanattaryndaǵy júrgizýshi kýáligi berilgen. Alaıda 2025 jyldyń sáýirinen bastap jaýapker «Аlkogóldi tutynýdan týyndaǵan psıhıkalyq jáne minez-qulyq buzylystary, táýeldilik sındromy» dıagnozymen esirtki dıspanserlik esebinde tur.
Bul aýrý kólik júrgizýge tyıym salynatyn medısınalyq qarsy kórsetilimderge jatady. Mundaı densaýlyq jaǵdaıy kólikti qaýipsiz basqarýǵa kedergi keltirip, júrgizýshiniń ózine jáne jol qozǵalysynyń basqa qatysýshylaryna qaýip tóndirýi múmkin.
Sot otyrysynda jaýapker talappen kelispeı, esepke qoıylǵanyn bilmegenin jáne densaýlyǵyna baılanysty аlkogól ishpeıtinin aıtty. Onyń ókili aýrýdyń sozylmaly sıpatyn rastaıtyn dálelderdiń joqtyǵyn kórsetti.
Sot bul dálelderdi negizsiz dep tanydy. İs materıaldarynan jaýapkerdiń dárigerlik-konsýltasıalyq komısıa otyrysyna qatysyp, medısınalyq tekserýden ótkeni anyqtaldy. Sonymen qatar, ol baqylaý júrgizýge jazbasha kelisim bergen. Esepke qoıý týraly sheshim ol tarapynan shaǵymdanbaǵan. Sonymen birge, jaýapkerdiń ózi aı saıyn dárigerge belgi qoıý úshin baratynyn rastady.
QR «Jol qozǵalysy týraly» Zańyna sáıkes, medısınalyq qorytyndymen rastalǵan, kólik quraldaryn qaýipsiz basqarýǵa kedergi keltiretin densaýlyq jaǵdaıynyń nasharlaýy olardy basqarý quqyǵyn toqtatýǵa negiz bolyp tabylady.
Anyqtalǵan mán-jaılardy jáne jaýapkerdiń aýrýy kólik júrgizýge medısınalyq qarsy kórsetilimder tizimine kiretinin eskere otyryp, sot talapty qanaǵattandyrdy. Pavlodarlyqtyń júrgizýshi kýáligi boıynsha kólik júrgizý quqyǵy toqtatyldy. Sot sheshimi zańdy kúshine endi.