Petropavldyq «Palach» laqapty boksshy Damır Alkeshevtiń jazasy apelásıadan keıin qatańdatyldy. Qoǵamdyq jumystyń ornyna ol úsh jyl alty aıǵa bas bostandyǵynan aıyryldy, dep habarlaıdy infohub.kz saıty.
Damır Alkeshev kúzetshi bolyp istegen meıramhanadaǵy janjaldan keıin sot aldyna keldi. Oǵan birneshe epızod jáne bap boıynsha, onyń ishinde buzaqylyq jáne soqqylaý keltirý aıyptaldy. Bul oqıǵa ótken jyldyń qarashasynda bastaldy. Sol kezde polısıa mekeme kúzetshisi, sportshy-boksshy kelýshilerdiń birin uryp jibergenin habarlady. Qylmystyq is qozǵaldy. Alkeshev bul oqıǵany áleýmettik jelilerde belsendi túrde jarıalaı bastaǵannan keıin is rezonansqa ıe boldy. İs sotqa jetti.
Bıylǵy mamyrda sot Alkeshevke 200 saǵat qoǵamdyq jumys jazasyn kesti. Ol kezde jaza ótelgen bolyp eseptelip, er adam sot zalynda bosatyldy. Prokýratýra úkimmen kelispesten, oǵan shaǵym túsirdi. Apelásıalyq alqa bul kelýshilermen jekelegen janjaldar emes, júıeli túrde zorlyq-zombylyq qoldaný ekenin anyqtady. Bir epızod boıynsha qyzǵa soqqy keltirý buzaqylyq nıetpen jasalǵan dep tanyldy. Al eki erkekke shabýyldar zorlyqpen qaıtalanǵan buzaqylyq retinde saralandy. Bastapqy úkim joıyldy. Alkeshev ortasha qaýipsizdik mekemesinde úsh jyl alty aıǵa bas bostandyǵynan aıyrylyp, sot zalynda qamaýǵa alyndy.