Sınoptıkter Qazaqstannyń kóptegen óńirinde sársenbi, 16 qyrkúıekke daýyldy eskertý jarıalady: jańbyr, tuman men naızaǵaı kútiledi, al birqatar oblysta órt qaýpi joǵary jáne tótenshe deńgeıde saqtalady, dep habarlaıdy infohub.kz saıty.
«Qazgıdromet» RMK dereginshe, Astanada erteń órt qaýpi joǵary bolyp qalady. Aqmola oblysynda da 16 qyrkúıekte órt qaýpi joǵary deńgeıde saqtalady.
Abaı oblysynda erteń kúndiz batysta jáne soltústikte jańbyr men naızaǵaı bolady. Jel soltústik-batystan soǵady, kúndiz oblystyń batysy men soltústiginde 15–20 m/s. Oblys boıynsha órt qaýpi joǵary, ońtústikte tótenshe órt qaýpi saqtalady.
Shyǵys Qazaqstan oblysynda 16 qyrkúıekte kúndiz soltústik-batysta jańbyr men naızaǵaı bolady. Jel soltústik-batystan soǵady, kúndiz oblystyń soltústigi men shyǵysynda 15–20 m/s. Oblys boıynsha órt qaýpi joǵary deńgeıde saqtalady.
Qostanaı oblysynda erteń túnde jáne tańerteń batysta jáne soltústikte tuman bolady dep boljanady. Oblystyń ońtústik-shyǵysynda órt qaýpi joǵary saqtalady.
Pavlodar oblysynda 16 qyrkúıekte túnde soltústikte jańbyr men naızaǵaı, kúndiz soltústikte, shyǵysta jáne oblys ortalyǵynda jańbyr men naızaǵaı kútiledi. Jel soltústik-batystan soǵady, kúndiz oblystyń shyǵysy men ortalyǵynda ekpini 15–20 m/s. Oblys boıynsha órt qaýpi joǵary deńgeıde saqtalady.
Soltústik Qazaqstan oblysynda soltústikte, shyǵysta jáne ońtústikte jańbyr men naızaǵaı bolady. Túnde jáne tańerteń oblystyń batysynda tuman kútiledi. Jel batystan, soltústik-batystan soǵady, oblystyń soltústiginde, shyǵysynda jáne ońtústiginde ekpini 15–20 m/s. Oblystyń ońtústigi men shyǵysynda órt qaýpi joǵary saqtalady.
Mańǵystaý oblysynda 16 qyrkúıekte soltústikte jáne ortalyqta órt qaýpi joǵary, soltústik-shyǵysta tótenshe órt qaýpi saqtalady.
Túrkistan oblysynda batysta shańdy daýyl bolady dep boljanady. Jel soltústik-shyǵystan soǵady, oblystyń batysy men taýly aýdandarynda ekpini 15–20 m/s. Tótenshe órt qaýpi saqtalady.
Shymkentte 16 qyrkúıekte jel soltústik-shyǵystan soǵady, ekpini 15–20 m/s. Tótenshe órt qaýpi saqtalady.
Batys Qazaqstan oblysynda jańbyr men naızaǵaı kútiledi. Jel ońtústik-batystan soǵady, kúndiz oblystyń batysynda, soltústiginde jáne shyǵysynda ekpini 15–20 m/s.
Almaty oblysynda 16 qyrkúıekte taý bókterindegi jáne taýly aýdandarda qysqa merzimdi jańbyr men naızaǵaı bolady. Jel soltústik-batystan soǵyp, soltústik-shyǵysqa aýysady, kúndiz oblystyń shyǵysy men taýly aýdandarynda ekpini 15–20 m/s. Oblys boıynsha tótenshe órt qaýpi, oblystyń ońtústiginde órt qaýpi joǵary saqtalady.
Qaraǵandy oblysynda erteń órt qaýpi joǵary, oblystyń batysynda tótenshe órt qaýpi saqtalady. Ulytaý oblysynda da tótenshe órt qaýpi saqtalady.
Atyraý oblysynda 16 qyrkúıekte kúndiz batysta, soltústikte jáne ońtústikte azdaǵan jańbyr men naızaǵaı kútiledi. Oblystyń ońtústiginde tótenshe órt qaýpi saqtalady.