Qazaqstanda dárihana jelisi arqyly 26 myńnan astam tegin dárilik preparat qorabynyń satylǵany anyqtaldy. 60-tan astam uıym ákimshilik jaýapkershilikke tartyldy, dep habarlaıdy infohub.kz saıty.
Úkimette atap ótkendeı, sıfrlyq tańbalaý jáne qadaǵalaý júıesi árbir preparat qorabynyń óndirýshiden naýqasqa deıingi jolyn baqylaýǵa, sondaı-aq el boıynsha dári qorlaryn qadaǵalaýǵa múmkindik beredi.
«Sıfrlyq baqylaýdyń arqasynda dárihana jelisi arqyly 26 myńnan astam tegin dárilik preparat qorabynyń satylǵany anyqtaldy. Anyqtalǵan faktiler boıynsha 106 medısınalyq uıym men dárihanaǵa tekserý júrgizildi. 60-tan astam uıym ákimshilik jaýapkershilikke tartylyp, aıyppuldyń jalpy somasy 20 mln teńgeden asty. Aldyn ala keltirilgen shyǵyn 36 mln teńgeden asady dep baǵalanyp otyr. Materıaldar quqyq qorǵaý organdaryna jiberildi», — dedi Densaýlyq saqtaý mınıstrliginiń Medısınalyq jáne farmasevtıkalyq baqylaý komıtetiniń tóraǵasy Baýyrjan Júsipov.
Aıta keteıik, bıylǵy qyrkúıekten bastap bıologıalyq belsendi qospalar úshin de sıfrlyq tańbalaý engizildi, al 2027 jyldan bastap ol medısınalyq maqsattaǵy buıymdarǵa da qoldanylady.