2025 jyldyń qorytyndysy boıynsha Qazaqstanda qoǵamdyq tamaqtandyrý qyzmetiniń kólemi rekordtyq deńgeıge jetip, 2,1 trıllıon teńgeden asty. Bul týraly infohub.kz saıty habarlaıdy.
Eldegi tamaqtaný oryndarynyń sany 17,5 paıyzǵa artyp, 19 588-ge jetti. Bir jyl buryn bul kórsetkish 16 674 bolǵan edi.
Qoǵamdyq tamaqtaný nysandarynyń eń kóp sany Almatyda — 3 522 mekeme. Astanada 2 761 nysan jumys istese, úshtikti 1 275 nysanymen Qaraǵandy oblysy túıindeıdi.
Eń qarqyndy ósim dámhana segmentinde baıqalady: olardyń sany 15,1 paıyzǵa — 5 202-den 5 987-ge deıin ósti. Dámhanalardyń kóbisi Almatyda (1 036), Astanada (809) jáne Qaraǵandy oblysynda (485) ornalasqan.
Asqanalar sany 5,7 paıyzǵa — 5 618-den 5 940 birlikke deıin artty. Klasıkalyq meıramhanalar sany 666-ǵa kóbeıip, qazir olardyń sany 3 024-ti quraıdy. Aıta keterligi, meıramhanalar sany boıynsha Astana Almatyny basyp ozdy: 654-ke qarsy 602. Bul kórsetkish boıynsha úshinshi oryndy kútpegen jerden 248 meıramhanasymen Batys Qazaqstan oblysy ıelendi.
Sarapshylardyń pikirinshe, mundaı ósim qazaqstandyqtardyń tutyný ádetteriniń ózgerýine, jetkizý qyzmetteriniń damýyna jáne suranystyń qoljetimdi tamaqtaný formattaryna aýysýyna baılanysty.