OQO, Tólebı aýdany,
«Qulaǵy nashar estıtin balalar úshin
Lengir qosalqy mektep ınternaty» KMM
Tárbıeshi: Medetbekova S.A.

Ashyq tárbıe saǵaty.
Baǵyty: Azamattyq quqyqtyq tárbıe
Taqyryby: Qylmys jáne jaza
«Tártipsiz el bolmaıdy, tártipke bas ıgen qul bolmaıdy» (B. Momyshuly).

Bilimdilik maqsaty: Oqýshylardyń quqyqtyq bilimderin tereńdetý. Zań aldyndaǵy jaýapkershilikti arttyrý, uıymshyldyq pen tártiptiliktiń tıimdi joldaryn taba bilýge, saıası saýattylyqqa baýlý.
Tárbıelik maqsaty: Quqyqtyq normatıvtik aktilerdi oryndaı, qurmetteı bilýge úıretý, adamgershilikke, eljandylyqqa, quqyqtyq saýattylyqqa tárbıeleý.
Damytýshylyq maqsaty: Oqýshylardyń oılaý, tyńdaý, óz oılaryn erkin jetkize alý mádenıetin damytý, shyǵarmashylyq qabiletterin shyńdaý.
Túzetý jumysy: Sóıleý barysynda sóılemdi tolyq aıaqtaýyn jáne dybystaryn qadaǵalaý, sózdik qoryn molaıtý.
Tárbıe saǵatynyń túri: Pikir almasý, oı qozǵaý
Ádisi: Suraq jaýap, jaǵdaıat sheshý kórinis
Kórnekilikter: Beıne taspa, maqal mátel, sýretter
Sózdik jumys: Sot - cot bıligin atqarýshy, Zańger - paıda bolǵan qıyndyqty sheshýshi. Tergeýshi - qylmystyq is boıynsha aldyn ala tergeýdi júzege asyrýshy. Advokat - qorǵaýshy. Úkim - sot sheshimi.

Sabaqtyń barysy:
I Uıymdastyrý kezeńi
II Til buryshymen jumys

III Kúndelikti sózder
- Quqyq degenimiz ne?
- Zań degenimiz ne?
- Bıyl Konstıtýsıaǵa neshe jyl toldy?
- Q. R - nyń tól merekelerin ata.
- Respýblıka kúni qaı kún?
IV Jospar.
V Jańa sabaq
VI Beıne taspa
VII Sıtýasıa týǵyzý
VIII Suraq jaýap
IX Kórinis
X «Tártip ornat» oıyny.
XI Maqal mátel
XII Qorytyndylaý

1. Jańa sabaq.
Kirispe:
Qoǵam árqashan tártipke negizdelip, arqa súıep qalyptasyp, tirshilik etedi. Qoǵamda tártip bolmasa, ol quldyraıdy, ıaǵnı keleshegi bolmaıdy. Muny adamdar ejelden - aq jaqsy túsingen. Sondyqtan da qoǵamda tártip ornatýdyń joldaryn qarastyrǵan. Degenmende, kerisinshe qoǵamdyq tártipti buzýǵa beıim azamattar da az bolmaǵan. Osydan kelip quqyq buzýshylyq oryn ala bastady. Quqyq buzýshylyq - qoǵam ómirine tán dert. Adam balasy ómir súrgen ortada ol da árqashan oryn alady. Bul shartty qubylys. Quqyq buzýshylyq - zańdy, onyń qaǵıdalaryn quqyqtyq normalar júktegen mindetterdi buzý, tyıym salynǵan áreketterdi jasaý. Ol adamdardyń is-áreketi, qylyǵy arqyly basqa adamdar men, qoǵammen, memleketpen qarym - qatynasqa túsedi. Zań buzýshylyq adamnyń minez - qulqy arqyly baıqalady. Adamnyń oı - jelisi zańmen rettelmeıdi. Biraq qandaı da bolsyn is - áreket, minez - qulyq, oıdyń, sana - sezimniń qatynasýynsyz jasalmaıdy. Olar oıdyń eleginen ótip baqylaýynda bolady. Aqyly durys adamnyń is-áreketi erik pen oıdyń eleginen ótip, arqasynda júzege asyrylady. Demek, zańdy buzýshylyq qoǵam men jeke tulǵalarǵa zıan keltiretin jáne quqyqtyq normalarǵa qarsy áreket nemese áreketsizdik bolyp tabylady.- Áreket - bul quqyq normalarynyń is - qımyl jasaı otyryp júzege asýy, al áreketsizdik quqyq normalarynyń talaptaryn eshqandaı is - qımyl oryndalmasa da buzý arqyly oryn alady.

2. Beıne taspa.
Beıne taspa boıynsha suraq jaýap alý.

3. Jaǵdaıat.
1. Ákesi balasynyń bet aýzynyń kógergenin kórip, - sen ne kóshedegi buzaqylardan taıaq jep júrsiń be? Nege urmaısyń? Budan keıin úıge bet aýzyń kógerip kelýshi bolma? Olar urǵanda sen qarap turma, ur, sazaıyn ber.
Muǵalim:
- Qalaı oılaısyńdar, ákesi durys jol kórsetti me?
2. Ermek 9 synyp oqýshysy, kúnige sabaqtan qaıtqanda, ózinen kishi balalardy qorqytyp aqshasyn, uıaly telefonyn tartyp alady. Bul Ermekke ádetke aınalǵan.
Muǵalim:
- Sender qalaı oılaısyńdar, Ermek durys istep júr me?

4. Kórinis. «Sottyń sońǵy úkimi.»

5. Maqal máteldiń maǵynasyn ashý.
1. Urlyq túbi - qorlyq
2. Bireýge or qazba, óziń túsesiń.
3. Zańnyń quryǵy, bárinen uzyn.
4. Qolyńmen istegendi, moınyńmen kóter.
5. Zańdy syılaǵan erkin júredi.
6. Týra bıde týǵan joq,
Týǵandy bıde ıman joq.

6. «Tártip ornat» oıyny.
1. Quqyq -------------------- A - Elimizdiń negizgi zańy.
2. Konstıtýsıa ------------ B - Memleket basshysy.
3. Memleket ---------------- V - Negizgi saıası qoǵamdyq uıym.
4. Azamat -------------------- G - Táýelsizdik
5. Quqyq buzýshylyq ----- D - Zańdar júıesi.
6. Prezıdent ----------------- E - Zań shyǵarýshy organ
7. Parlament ---------------- J - Zań júıesin buzý.
8. Egemendik ------------------ Z - quqyǵy bar el turǵyny.

1 - D, 2 - A, 3 - V, 4 - Z, 5 - J, 6 - B, 7 - E, 8 - G.

7. Qorytyndylaý.
- Búgingi ashyq tárbıe saǵatynan neni bildińder, neni uqtyńdar?
Búgingi tárbıe saǵaty boıynsha óz oılaryn tıanaqtaý.
- Qylmys ataýlyǵa barmaımyz
- Bilim men tárbıe bergen ustazdarymyzǵa jaman sóz keltirmeımiz
- Sizderdiń bergen bilim men tárbıeni ómirde durys qoldana bileıik.
- Ata - anamyzdy jáne dostarymyzdy qurmetteımiz.
- Qazaqstan Respýblıkasynyń elin, jerin, halqyn árkez qorǵaımyz.
Oqýshylardy baǵalaý.