Qostanaı oblysynda jasóspirim temirjolda tok soqqysynan zardap shekti. Oqıǵa oblys ortalyǵynda bolǵan, dep habarlaıdy infohub.kz.
«Qazinform» MAA málimetinshe, 2013 jyly týǵan oqýshy Qostanaıdaǵy temirjolda aýyr elektr jaraqatyn alǵan. Ol Rýdnyıdan dostarymen birge oblys ortalyǵyna kelgen. Qazir jasóspirim reanımasıada jatyr.
Kólik polısıasy departamentinde NUR.KZ tilshisine habarlaǵandaı, 4 qyrkúıekte Qostanaı stansıasyndaǵy kólik polısıa bólimi temirjol kóliginiń qozǵalys qaýipsizdigi nemese paıdalaný erejelerin buzý faktisi boıynsha qylmystyq is qozǵaǵan.
«Qazirgi ýaqytta oqıǵanyń mán-jaıyn anyqtaýǵa baǵyttalǵan barlyq qajetti tergeý sharalary júrgizilýde», — dep atap ótti vedomstvoda.
Bıylǵy tamyzda Qostanaıda dárigerler 27 myń vólttan astam tok soqqysynan zardap shekken 15 jasar balanyń ómirin saqtap qalǵany habarlanǵan. Ol sýretke túskisi kelgen kezde zardap shekken edi.