Qyzylordada polısıa qyzmetkerleri jol júrý erejelerin óreskel buzǵan úılený toıynyń kortejin toqtatty. Júrgizýshiler jaýapkershilikke tartyldy, dep habarlaıdy infohub.kz saıty.
Qyzylorda oblysy polısıa departamentiniń málimetinshe, jedel-baqylaý ortalyǵynyń qyzmetkerleri beınekameralar arqyly qala ortalyǵynda jol erejesin óreskel buzǵan úılený sherýiniń kólikterin anyqtady. Derekter patrúldik ekıpajdarǵa jedel jetkizildi.
«Nátıjesinde sherýge qatysqan barlyq kólik júrgizýshileri toqtatylyp, polısıaǵa jetkizildi. 33 hattama toltyrylyp, 12 buzýshyǵa aıyppul salyndy. 10 kólik arnaıy turaqqa qoıyldy», — delingen habarlamada.
Tekserý barysynda qarsy jolaqqa shyǵý, qaýipti manevrler jasaý, kólik júrgizý kezinde telefon paıdalaný, qaýipsizdik beldigin taqpaý jáne jol erejelerin buzýdyń basqa da faktileri anyqtaldy.
«Polısıa azamattardy jol júrý erejelerin qatań saqtaýǵa shaqyrady. Toı nemese basqa da merekelik sharalar jolda qaýipti jaǵdaı týǵyzýǵa sebep bola almaıdy. Sherýlerdiń jolda eshqandaı artyqshylyǵy joq, zań talaptaryn buzǵan árkim jaýapkershilikke tartylady», — dep eske saldy polısıa.