Қызылордада 14 жастағы Нұрисламбек Раушанбектің туыстары оның қаза болуын әділ тергеуді талап етіп отыр. Олардың болжамынша, бала құрдасының қолынан көз жұмған, деп хабарлайды infohub.kz сайты.
Жақындарының айтуынша, қайғылы оқиға болған күні жасөспірім анасына көмектесу үшін орталық алаңға келген: отбасы балалар арбасын жалға беріп жүрген. Сол жерде бәсекелестермен жанжал туып, ақыры баланың өліміне әкеп соққан.
«Ол сол жерде күн сайын жалданып жұмыс істеді. Өзі маған: "Апа, мұны мен қададым, тек анамды шақырмаңыз, полиция шақырмаңыз" деп айтты. Кейін екі жігіт келіп, оны артынан мойнынан ұстап: "Не деп қойдың? Ештеңе айтпа" деп, шеткері алып кетті. Бұл бір күнде болған жоқ. Жағдай қайталанып, сайын үшығып отырды», — деді қаза тапқан баланың анасы.
Оның сөзінше, күдікті ұлына жақындап, оның көзінше баланың кеудесінен бұрауышты суырып алған. Жасөспірімді ауруханаға жеткізген, алайда құтқару мүмкін болмаған.
Енді қайғыға батқан отбасы әділ тергеу талап етеді. Туыстары тұтынушылар үшін бәсекелескен кәсіпкер әйел мен оның қызметкерлері балаға бірнеше рет қорқыту жасағанын айтады.
«Бұл үш-төрт рет қайталанды. Полиция да оған мән бермеді. Біз әділдік талап етеміз, тек әділдік. Әлі бәрін өзі түсінуге қабілетсіз кішкентай баланың мұндай қадамға бара алатынына сенбейміз. Мұның артында белгілі бір күштер тұр деп ойлаймыз. Бұған ересектердің бірі қатысты деп есептейміз», — деді қаза тапқан баланың апасы.
Полиция мәліметінше, кәмелетке толмаған күдікті ұсталды, жан-жақты тергеу жүргізілуде.
«Кәмелетке толмаған адамның абайсызда өліміне әкеп соққан, денсаулыққа қасақана ауыр зиян келтіру фактісі бойынша қылмыстық іс қозғалды. Күдікті де кәмелетке толмаған, ол облыстық Кәмелетке толмағандарды бейімдеу орталығына орналастырылды. Сонымен қатар тергеу аясында кәмелетке толмағанды тәрбиелеу жөніндегі міндеттерді орындамау фактісі бойынша қылмыстық іс тіркелді», — деді облыстық Полиция департаментінде.