Shyǵys Qazaqstan oblysyndaǵy aty ańyzǵa aınalǵan «Rahmanov bulaqtary» shıpajaıy taǵy da qojaıynyn aýystyrdy: endi ol «Shyǵys Qazaqstan oblysynyń memlekettik-jekeshelik áriptestik ortalyǵy» aksıonerlik qoǵamynyń balansynda tur. Qańyrap qalǵan shıpajaıdyń qalaı qalpyna keltirilip jatqanyn kompanıa «Kýrsıv» basylymyna aıtyp berdi, dep habarlaıdy infohub.kz saıty.
Eske salaıyq, shıpajaı 2024 jyly «Bıpek Avto Kazahstan» tobynyń aktıvteri men onyń burynǵy ıesi Anatolı Balýshkınge qatysty janjaldy sot isterinen keıin memleket menshigine ótken bolatyn. Sonda kýrorttyń alǵashqy ıesi Shyǵys Qazaqstan oblysynyń Kásipkerlik jáne ındýstrıalyq-ınnovasıalyq damý basqarmasy boldy.
Alaıda 2025 jyldyń sońynda týrızm jáne sport mınıstri Erbol Myrzabosynov «Rahmanov bulaqtary» Prezıdent isterin basqarý basqarmasynyń qaraýynda ekenin málimdedi.
Keıin shıpajaı qaıtadan jergilikti sheneýnikterge qaıtarylyp, Shyǵys Qazaqstan oblysynyń Kásipkerlik jáne ónerkásip basqarmasynyń balansyna bekitilgeni belgili boldy.
Endi ol «Shyǵys Qazaqstan oblysynyń memlekettik-jekeshelik áriptestik ortalyǵy» AQ qaraýynda. Kompanıa óńirge jeke ınvestısıalar tartýmen aınalysady.
Shyǵys Qazaqstan oblysynyń memlekettik-jekeshelik áriptestik ortalyǵynyń dereginshe, qazir kýrort aýmaǵynda ǵımarattar men ınjenerlik jeliler tekserilip, múlik túgendelip, aqaýlar joıylyp, aýmaq abattandyrylýda. Qatar kireberis jolǵa kúrdeli jóndeý júrgizilip, jańa asfált tóselýde.
«Birinshi kezektegi jóndeý jumystary oryndalyp, aýmaq abattandyrylyp, nysandar tıisti jaǵdaıǵa keltirilýde», — dedi kompanıada.
Sonymen qatar shıpajaıda táýlik boıy týrısik polısıa beketi uıymdastyrylǵan, sondaı-aq búkil keshen aýmaǵynda beınebaqylaý júıesin qurý pysyqtalýda.
Buǵan deıin «Kýrsıv» Shyǵys Qazaqstan oblysyndaǵy tanymal «Rahmanov bulaqtary» kýrortyna aparatyn trassanyń jóndeýine narazy týrıser jol jumysshylaryn balaǵattap, olarmen tóbelese bastaǵanyn jazǵan edi.