Tanymal pop-ánshi Rıkı Martın Instagram-da Almatynyń kórinisi kórsetilgen kadrlardy jarıalady. Búgin megapolıste onyń konserti ótedi, dep habarlaıdy infohub.kz.
Óziniń profılindegi storıste Rıkı Martın Almatynyń joǵarydan túsirilgen kórinisin kórsetetin vıdeo jarıalady. Ol ánshiniń turǵan ǵımaratynyń terezesinen túsirilgen bolýy múmkin. «Qaıyrly tań, Almaty», — dep jazdy pop-oryndaýshy.
Eske salaıyq, naýryz aıynda Rıkı Martınniń Qazaqstanǵa alǵash ret konsertpen keletini belgili boldy. Ol búgin, 18 shildede, Almatyda ótedi. Óner kórseter aldynda ánshi qazaqstandyqtarǵa úndeý jasady — ol da jankúıerlerimen jaqyn arada kezdesýdi kútip turǵanyn aıtty. Al keshe Rıkı Martın Qazaqstanǵa ushyp kelgenin aıtyp, ushaqtan túsirilgen kadrlardy bólisti.