- 15 qań. 2020 00:00
- 262
Saqqulaq qonaq
El aralap júrip Kúsep qý bir úıge kelip qonady. Úıde bir ǵana jastaý áıel bar eken, kúıeýi bir jaqqa ketse kerek. Qonaq-asyn iship-jegennen keıin qonaq tórde jatady. Kenet, úı ishinde sybdyrlaǵan bolmashy dybys, kúbir-sybyr adam úni estiledi. Al Kúsep ony sezbegen, estimegen bolyp jata beredi. Saqqulaq qý jigit sybyrdy búge-shigesine deıin estıdi.
Tósek aǵash ústinde úı ıesi áıelmen birge jatqan onyń óz eri emes, áshine dosy eken. Ony sol kezdeısoq jigittiń sózinen ańǵardy.
— Janym-aý! — dedi ol eljireı sóılep. — Seniń ústińe shyqqanda bıik belge shyqqandaı bolamyn.
Bul súıispenshilik sózdi estigende Kúsep odan ári tózip jata almady:
— Aı, bıik belge shyqqan jigit, ar jaǵyńda meniń atyma da kózińdi salshy! — dep qalady.