InfoHub Logo

Aýyl ishin aralap júretin qazaqtar Sarúkin dep ataıtyn orys saýdageri Ashyly taýyna shyǵyp qos at jekken shóp ma shınasymen shóp shaýyp, mal jıyp, jaz jaılaýǵa shyǵyp, qysta Úrimjidegi úıinde jatady eken. Anda-sanda qalaǵa túsip malshylarǵa kerekti zat alyp, artynyp-tartynyp keletin bir jerde, Serikbaıdyń áńgimesi bólipti: «Serikbaı deıtin sheshen bar, ol adamnan jańylmaıdy, isteımin degenin isteıdi, oǵan eshkim teńese almaıdy» desipti. Sonda Sarúkin otyryp:

— Atańnyń káne aýzyn, Serikbaıdyń áýselesin men bir kóreıinshi, qandaı neme eken? — depti.

— Kórseń kóresiń, teń kele almaısyń.

— Maǵan bir kórsetshi ózin.

Muny Serikbaıǵa bireý aıtyp barypty. Sodan Serikbaı Sarúkinniń qalaǵa ketken habaryn uǵysyp, qaladan qaıtar jolda tosyp otyrypty. Bir-eki kúnnen soń astynda esik pen tórden úlken aty bar, artynyp-tartynǵan saýdager kele jatypty. Ol bir kezeńge taıaı bergende Serikbaı shyǵa kelipti.

Shyǵa kelipti de, atynan qarǵyp túsip, aıylyn tartyp minip qamshysyn uratyn kisi bettenip saýdagerge qaraı júripti. Ol kez ury-qarynyń kóp kezi, Sarúkin de seskenip kele jatypty.

Serikbaıdyń kózi kók, túsi sýyq adam eken, saýdagerden kózin aıyrmaı qadala kelip taıaǵanda ura bastapty. Sonda saýdager tura qashypty, Serikbaı tura qýypty. Ne qýyp jetip ustamaıdy, ne qalmaıdy, saýdagerdiń artynan erip otyrypty. Aqyry qutyla almasyn bilgen saýdager bir saıdyń aýzyna kelgende «áı, osy meniń atym men qorjynymdy alady-aý, janym aman qalsyn» dep oılap atyn tastaı jaıaýlaı qashypty. Serikbaı da atynan túsip jaıaýlaı qýypty. Semiz orys qorbańdap qasha almaı shapanyn sheship tastaı qashypty. Serikbaı da shapanyn sheship tastaı qýypty. Saýdagerdi ne ustamaı, ne artynan qalmaı, áne jetip, mine jetip kezeńge shyqqanda, saýdagerdiń dymy quryp «ýh» dep otyra ketipti. Serikbaı da «ýh» dep otyra ketipti. Sarúkinniń esine Serikbaı sonda túsken eken.

— Úı, sen kimsiń?

— Serikbaımyn.

— Oı, atany aýzyn, Serikbaıyń degen sen be? Áı, boldy, boldy. Sen muny qazaqtarǵa aıtpa, men saǵan bir qoı bereıin, a, — deıdi.

— Bolady, bir qoı berseń, aıtpaımyn, — deıdi Serikbaı.

Ony kelesi jyly jaıyp jibergen eken. Bir joly saýdager kezigip:

— Eı, aıtpa dep saǵan bir qoı bergenim qaıda, ońbaǵan neme, — depti ashýlanyp.

— Ol qoıyńyzdy byltyr berdińiz emes pe, bıyl taǵy bir qoı berseńiz, — depti Serikbaı.

---