Saýda jáne ıntegrasıa mınıstrligi KAZTEST júıesi boıynsha memlekettik tildi bilý deńgeıin anyqtaý úshin testileý ótkizdi. Vedomstvonyń qurylymdyq bólimsheleriniń qyzmetkerleri osy testileýden ótti, dep habarlaıdy infohub.kz.
Testileý betpe-bet formatta ótkizilip, qatysýshylar úshin tegin boldy. Mınıstrlikte mundaı tekserýdiń basty maqsaty – memlekettik qyzmetshilerdiń qazaq tilin naqty meńgerý deńgeıin anyqtaý jáne olardyń tildik quzyrettiligin baǵalaý ekenin túsindirdi. Bul memlekettik tilde kásibı qyzmet júrgizý daǵdylaryn odan ári jetildirý úshin qajet.
Test nátıjeleri qaı memlekettik qyzmetshilerge qazaq tilin meńgerý deńgeıin kóterý úshin qosymsha kýrstardan ótý qajet ekenin kórsetedi. Aıta keteıik, KAZTEST júıesi boıynsha test tapsyrý barlyq memlekettik qyzmetshiler úshin mindetti – bul memlekettik til saıasatyn iske asyrý jónindegi is-sharalar josparynda bekitilgen.