Semeıde jańa aspaly kópirde bir adamnyń ómirin qıǵan jol apaty boldy. Oqıǵa ornynan túsirilgen kadrlar áleýmettik jelilerde tarady, al Abaı oblysy polısıa departamenti resmı túsinikteme berdi, dep habarlaıdy infohub.kz.
Vedomstvonyń málimetinshe, oqıǵa 23 tamyzda saǵat 23:00 shamasynda bolǵan. Mitsubishi Pajero jáne Lada Priora kólikteri soqtyǵysqan.
«Aldyn ala derekter boıynsha, Mitsubishi Pajero júrgizýshisi basqarýdy joǵaltyp, qorshaýǵa soǵylyp, sodan keıin qarsy baǵytqa shyǵyp, Lada Priora kóligimen soqtyǵysqan», — dep habarlady Abaı oblysy PD.
Jarıalanǵan kadrlarda kóliktiń búıirine aýdarylǵany kórinedi. Polısıanyń túsindirýinshe, apat saldarynan Mitsubishi Pajero jolaýshysy oqıǵa ornynda qaıtys bolǵan.
Abaısyzda adam ólimine ákep soqqan jol qozǵalysy erejelerin buzý faktisi boıynsha sotqa deıingi tergeý bastaldy. Qazirgi ýaqytta tergeý jáne prosesýaldyq is-áreketter kesheni júrgizilýde, oqıǵanyń barlyq mán-jaıy anyqtalýda. Tergeý nátıjeleri boıynsha túpkilikti prosesýaldyq sheshim qabyldanatyn bolady.