Shyǵys Qazaqstan oblysynda adam ómirin qutqarýda erlik pen batyldyq tanytqan tártip saqshylaryn marapattaý rásimi ótti, dep habarlaıdy infohub.kz saıty.
İshki ister mınıstrliginiń Polisia.kz vedimistik Telegram-arnasynyń málimetinshe, oblystyq máslıhattyń kezekti sesıasynda oblys ákimi Nurymbet Saktaganov adam ómirin qutqarý kezinde erekshelengen eki polıseıge Qurmet gramotasyn tabys etti.
Joǵary marapatqa Ulan aýdany polısıa bóliminiń ýchaskelik polısıa ınspektory Nurdáýlet Tetepov pen jedel-krımınalıstıkalyq toptyń krımınalısi Aset Naǵashbaev ıe boldy.
Oqıǵa 20 tamyzda Qasym Qaısenov kentinde bolǵan. Polıseıler káriz qudyǵynda jumys istep bara jatyp esin joǵaltqan eki jumysshyǵa kómekke keldi. Polısıa kapıtany Aset Naǵashbaevtyń qyraǵylyǵy men polısıa maıory Nurdáýlet Tetepovtiń batyl áreketteriniń arqasynda eki azamat ýaqytyly qutqaryldy.
Oblys ákimi polısıa qyzmetkerleriniń erligi men kásibıligin, olardyń árqashan kómekke kelýge daıyn ekenin atap ótip, mundaı ıgi ister men joǵary azamattyq jaýapkershiliktiń mańyzdylyǵyn aıtty.
Eske sala keteıik, buǵan deıin Shyǵys Qazaqstan oblysynda Ulan aýdanynyń krımınalısi, polısıa kapıtany Aset Naǵashbaev oılanbastan káriz qudyǵyna túsip, eki jumysshyny qutqarǵany habarlanǵan bolatyn. Oqıǵa ornyna kelgen polısıa maıory Nurdáýlet Tetepov dereý arqan surap, ony bekitip, lúkke túsken.