Shyǵys Qazaqstan oblysyndaǵy Qasym Qaısenov atyndaǵy aýylda Nomad Alemi festıvali aıasynda sporttyq baǵdarlama ótti. Onda 70 jastaǵy zeınetker 30 kelilik qoshqar músinin 40 ret kóterdi, dep habarlaıdy infohub.kz saıty.
Uıymdastyrýshylar qatysýshylarǵa alty dısıplına boıynsha synaqtan ótýdi usyndy. Olardyń kóbi kóshpelilerdiń dástúrli mádenıetinen kelgen. Arqan tartý, dástúrli sadaq atý, láńgi, qoshqar músinin kóterý, belbeý kúresi jáne asyq atý festıvál alańyn úlken sport arenasyna aınaldyrdy. Munda balalar, jastar men aǵa býyn ókilderi qatar júrdi.
Qonaqtardyń erekshe nazaryn 30 kelilik qoshqar músinin kóterý (otyryp-turý) tartty. Synaq shynymen aýyr boldy, alaıda qatysýshylar úshin jas basty kedergi bola qoımady.
Osy alańnyń naǵyz juldyzy 70 jastaǵy apa boldy. Ol 30 kelilik snarádty 40 ret kóterip, tek kórermenderdi ǵana emes, qatysýshylardy da tańqaldyrdy.
Festıváldiń sporttyq sharalaryna barlyǵy eki myńnan astam adam qatysty.