Shvesıadan oralǵan qazaqstandyq óz elinde laıyqty tabys tabý qıyndyǵyn aıtty: Eýropada shamamen 1,5 mln teńge tabys tapqan ol Astanada eń kóbi 340 myń teńge alady, dep habarlaıdy infohub.kz saıty.
Threads jelisindegi zhaknordman degen paıdalanýshy Astanada jumys istep, Qazaqstandaǵy jalaqynyń tómendigine shaǵymdandy. Onyń aıtýynsha, buryn Shvesıada eńbek etip, shamamen 1,5 mln teńge aılyq alǵan.
«Shetelde 1-1,5 mln teńge alýǵa úırenip qalǵanmyn. Qazaqstanda 1,5 jyl boldym, biraq ondaı tabysqa jaqyndaı almaımyn. Eń kóbi 340 myń teńge jalaqy alamyn. Qaı mamandyqqa qaıta oqyp, bilim alarymdy bilmeımin», – dep jazdy ol.
Er adam derekterdi taldaýshy jáne jıhaz dızaıneri laýazymdaryn qarastyrǵanyn, qazirgi ýaqytta sol salada jumys istep júrgenin atap ótti.
«Aǵylshynsha sóıleımin. Frılanske ketý kerek pe, álde YouTube-pen shyndap aınalysý kerek pe? Jaqsy tabys kerek, ári shetelge de alyp ketýge bolatyn jaqsy kásip bolǵany jón. Vıdeo túsirýdi de oıladym, biraq ol kóp aqshany tekke jumsaý sıaqty», – dedi ol.
Buǵan deıin ol 34 jasta ekenin, Eýropada qonaqúıde aspaz bolyp jumys istegenin jáne qurylysta demontajben aınalysqanyn jazǵan. Bir jarym jyl buryn ol Shvesıadan Qazaqstanǵa oralǵan, onda aǵylshyn tilin paıdalanǵan, biraq respýblıkada bul tildi bilý tabysyn arttyrýǵa múlde kómektespeıdi. Qazaqstanda ol memlekettik qyzmette býhgalter jáne ekonomıs bolyp jumys istegen.
«Qazir óndiriste jumys isteımin. Qalaǵan jalaqym 800 myńnan bastap. Astanadaǵy sheteldik kompanıalardy aıtyp jiberińizder», – dep jazdy ol.
Sonymen qatar, ol buryn paıdalanýshylardan AQSh pen Kanadaǵa qonys aýdarýdyń múmkin nusqalaryn suraǵan.
Basqa paıdalanýshylar ony qoldady. Mysaly, Germanıada qolyna 2 myń eýro alyp jumys istegen bireýi Qazaqstanǵa oralǵan soń aıyna 150-300 myń teńgege jumys usynystaryn kórip, «shoshyp ketkenin» aıtty. Ol tabysyn arttyrý úshin repetıtorlyq pen basqa salalardy baıqap kórýge májbúr boldy.
Taǵy bir paıdalanýshy AQSH-ta júk kóligi júrgizýshilerine dıspecher bolyp ornalasýdy usyndy, onda aǵylshyn tilin bile otyryp, qazaqstandyq ýaqyt boıynsha túngi jumys úshin aıyna shamamen 1,5 myń dollar alýǵa bolady. Taǵy bireýi Qazaqstanda sheteldik kompanıada qashyqtan jumys istep, 1,5 mln teńge alatynyn, biraq jumystan shyǵýdan jáne odan keıingi laıyqty jalaqyly jumys izdeýden qorqatynyn aıtty.
Qazaqstandaǵy ortasha aılyq jalaqy 2026 jyldyń ekinshi toqsanynyń qorytyndysy boıynsha 486 388 teńge boldy, dep habarlady Ulttyq statısıka búrosy. Birinshi toqsanmen salystyrǵanda ol 5,4%-ǵa, al jyldyq mánde 8,4%-ǵa ósti.
Alaıda ınflásıany eskergendegi naqty jalaqy I toqsanmen salystyrǵanda 3%-ǵa ósti, biraq 2025 jyldyń II toqsanyna qaraǵanda 1,8%-ǵa tómendedi. Astanadaǵy ortasha jalaqy 647 920 teńge, Almatyda – 610 371 teńge, Shymkentte – 377 710 teńge boldy.