Shymkentte neırohırýrgter 38 jastaǵy áıeldiń mıyndaǵy qaýipti anevrızmany qansyz ádispen alyp tastady. Quny 6 mıllıon teńgeden asatyn operasıa memleket esebinen jasaldy, dep habarlaıdy infohub.kz.
Dárigerlerdiń aıtýynsha, naýqas uzaq ýaqyt boıy qatty bas aýrýynan zardap shekken. MRT taǵaıyndalǵannan keıin áıeldiń mı tamyrlarynda anevrızma bar ekeni anyqtaldy.
Joǵary tehnologıalyq ota Shymkent qalalyq №2 aýrýhanasynda jasaldy. Ashyq operasıanyń ornyna medıkter endovaskýlárlyq ádisti qoldandy: qan tamyry arqyly arnaıy qurylǵy engizilip, anevrızma aımaǵyna stent ornatyldy.
Operasıany neırohırýrg Erkin Medetov jasady. Ol qazir naýqastyń jaǵdaıy turaqty ekenin, mamandardyń baqylaýynda ekenin atap ótti.
Qala ákimdiginde mundaı operasıanyń quny 6 mıllıon teńgeden asatynyn, alaıda Shymkent turǵynyna medısınalyq kórsetkishter boıynsha hırýrgıalyq aralasýdyń tegin jasalǵanyn atap ótti.
Buǵan deıin Óskemende dárigerler júregi toqtap qalǵan naýqasqa óte kúrdeli operasıa jasaǵany habarlanǵan bolatyn. Jas jigit aýrýhanaǵa aýyr jaǵdaıda túsip, operasıa kezinde júregi toqtap qalǵan, biraq medıkter ony aman alyp qaldy.
Sonymen qatar, Almaty kardıoortalyǵynda MÁMS boıynsha operasıalar sany eki ese artqan, al megapolıste kardıohırýrgıany qarjylandyrý tórt esege jýyq ósken.