Shymkentte kámeletke tolmaǵan bala aıaǵynan pyshaq jaraqatyn alǵan oqıǵa boıynsha qylmystyq is qozǵaldy. Bul oqıǵa dendrosaıabaqta bolǵan, dep habarlaıdy infohub.kz.
kritika_shymkent Instagram-paraqshasynyń málimetinshe, 17 tamyzda Shymkenttegi dendrosaıabaqta jasóspirimderdiń qatysýymen tóbeles bolǵan. Jarıalanymda: «Kasanyń dál qasynda fýdtrak qyzmetkerleri bir-biriniń aıaǵyn pyshaqtap jaralady. Bul ne degen zańsyzdyq, ata-analar men basshylyq qaıda qarap otyr? Balalar kámeletke tolmaǵan, eresektersiz, pyshaqpen», — delingen.
Shymkent qalalyq polısıa departamentiniń baspasóz qyzmeti dene jaraqatynyń saldaryn rastap, osy fakti boıynsha qylmystyq is qozǵalǵanyn habarlady. Zardap shekken jalǵyz bolǵany anyqtaldy.
«Oqıǵaǵa qatysýshylar anyqtaldy. Jaraqat alǵan jasóspirim aýrýhanaǵa jetkizildi. Qazirgi ýaqytta oqıǵanyń barlyq mán-jaıy, onyń ishinde janjaldyń sebepteri anyqtalýda. Kámeletke tolmaǵandardyń zańdy ókilderine qatysty balalardy tárbıeleý jáne qaýipsizdigin qamtamasyz etý boıynsha mindetterin tıisinshe oryndamaǵany úshin jaýapkershilikke tartý máselesi qarastyrylýda», — dep naqtylady polısıada.
Shymkent qalalyq polısıa departamentinde tekserý nátıjeleri boıynsha barlyq qatysýshy tulǵalardyń áreketterine tıisti quqyqtyq baǵa berilip, zańnamada kózdelgen sharalar qabyldanatynyn jetkizdi.