Jambyl oblysynda sot taratylǵan kásiporynda 12 jyldan astam jumys istegenin rastap, eńbek ótilin belgiledi, bul azamattyń zeınetaqy tólemderin arttyrýǵa múmkindik berdi, dep habarlaıdy infohub.kz saıty.
Jambyl oblysy sottarynyń resmı Telegram-arnasynda habarlanǵandaı, Moıynqum aýdandyq soty eńbek qyzmetiniń zańdyq máni bar faktisin anyqtaý týraly azamattyq isti qarady.
Ótinish berýshi sottan 1992 jylǵy tamyzdan 2004 jylǵy jeltoqsanǵa deıin (12 jyldan astam) burynǵy óndiristik kooperatıvte júrgizýshi bolyp jumys istegenin rastaýdy surady.
Sotqa júginý qajettiligi kásiporyn qujattarynyń saqtalmaýyna baılanysty týyndady. Arhıvtik anyqtamaǵa sáıkes, kásiporyn qujattary saqtaýǵa tapsyrylmaǵan. Sonymen qatar, kásiporyn taratylǵandyqtan, derekqorda tirkelmegen.
Sotta kýágerler azamattyń kórsetilgen kooperatıvte atalǵan kezeńde jumys istegenin rastady.
Sot qajetti qujattardy qalpyna keltirý jáne osylaısha azamattyń zeınetaqy aýdarymdaryn arttyrý quqyǵyn basqa jolmen qalpyna keltirý múmkin emestigin atap ótti.
Dáleldemelerdi zertteı kele, sot talaptardyń negizdi ekendigi týraly qorytyndyǵa keldi.
Sot sheshimimen ótinish qanaǵattandyryldy. Ótinish berýshiniń 1992 jylǵy tamyzdan 2004 jylǵy jeltoqsanǵa deıin júrgizýshi bolyp jumys istegeni anyqtaldy. Sheshim zańdy kúshine endi.