Shetelde oqıtyn qazaqstandyq stýdentter oqýdan bos ýaqytynda jumys istep, tabys tabýǵa quqyly. Keı jaǵdaıda olar elge oralyp, JTS tólemeıdi. Bul týraly Qazaqstan Respýblıkasy Qarjy mınıstrliginiń Memlekettik kirister komıteti málimdedi, dep habarlaıdy infohub.kz saıty.
Vedomstvonyń túsindirýinshe, shetelde oqıtyn Qazaqstan azamaty báribir Qazaqstan rezıdenti bolyp sanalady. Alaıda osyndaı rezıdent shetelde jumys istep, tabys taýyp, sol jerde salyq tólese, Qazaqstanda jeke tabys salyǵyn tóleýge mindetti emes.
«Qazaqstan rezıdenti shetelde jumys istep, tabys taýyp, sol jerde salyq tólese, Qazaqstanda jeke tabys salyǵyn tóleýge mindetti emes. Bul norma QR Salyq kodeksiniń 638-babynyń 1-tarmaǵynda jáne 303-babynda kózdelgen», — delingen habarlamada.
Bul rette eki negizgi shart saqtalýy tıis. Birinshisi — qujattyq rastaý: shetelde salyq tólegenin rastaıtyn resmı qujat bolýy kerek. Ekinshisi — mólsherleme shekteýi: shetelde tólengen salyq somasy Qazaqstan zańnamasynda belgilengen jeke tabys salyǵynyń mólsherlemesine, ıaǵnı 10%-ǵa sáıkes kelýi tıis.
Osylaısha, bul ereje shetelde salyq tólep qoıǵan azamattarǵa qosarlanǵan salyq salýdan qutylýǵa múmkindik beredi.