Memleket basshysy Qasym-Jomart Toqaev pen Italıanyń Premer-mınıstri Djordja Melonı elordada kezdesti. Qurmetti meımandy áýejaıda saltanatty túrde qarsy alǵan Qazaqstan Prezıdenti Italıany Eýropadaǵy jetekshi saýda jáne ınvestısıalyq seriktes retinde atady.
Toqaev:
"Italıa – Qazaqstannyń Eýropadaǵy mańyzdy ekonomıkalyq seriktesteriniń biri. Eki el arasyndaǵy strategıalyq áriptestik turaqty damyp keledi", – dedi.
Melonı:
"Bul kezdesý – Qazaqstanmen jáne jalpy óńirmen qarym-qatynastaǵy tarıhı sát. Biz yntymaqtastyqty jańa deńgeıge shyǵarýǵa daıynbyz", – dep atap ótti.
Kezdesý aıasynda saýda, ınvestısıa, energetıka jáne kólik-logıstıka salalaryndaǵy seriktestikti tereńdetý máseleleri talqylandy.