Photo: Pixabay (https://www.pexels.com/@pixabay) / Pexels
Toqaev Ulttyq kitap kúnimen quttyqtap, arnaýly jarlyqqa qol qoıatynyn málimdedi
Memleket basshysy Qasym-Jomart Toqaev qazaqstandyqtardy Ulttyq kitap kúnimen quttyqtady.
Bul týraly Infohub.kz aqparat agenttigi habarlaıdy.
Kitaptyń máńgilik qundylyǵy
Prezıdent óz quttyqtaýynda qazirgi tańda baspa salasynda eleýli ózgerister júrip jatqanyn atap ótti. Alaıda, kitaptyń rýhanı jáne adamı qundylyqtardyń basty qaınar kózi retindegi mańyzy eshqashan tómendemeıtinin jetkizdi.
«Soǵan qaramastan kitap rýhanı jáne adamı qundylyqtardyń qaınar kózi retinde eshqashan mán-mańyzyn joǵaltpaıdy. Qazir qoǵamnyń kitap oqý mádenıetine, sonyń ishinde klasıkalyq kórkem shyǵarmalardy nemese búgingi zamannyń ózekti máselelerine arnalǵan jarıalanymdardy oqýǵa birtindep qaıta bet buryp jatqany baıqalady. Osy oń úrdis jastar arasynda da keńinen taralyp keledi», - dedi Memleket basshysy.
Ol sondaı-aq, jappaı sıfrlandyrý jáne Jasandy Intellektiniń ústemdigi arta túsken ýaqytta oqý mádenıeti ult sapasynyń birden-bir ólshemi retinde halqymyzdyń bitim-bolmysyna tán aınymas qasıet bolyp qala berýge tıis ekenin basa aıtty.
Oqý mádenıetin damytýǵa arnalǵan Jarlyq
Budan bólek, Qasym-Jomart Toqaev aldaǵy eki apta ishinde oqý mádenıetin damytýǵa baǵyttalǵan arnaıy Jarlyqqa qol qoıatynyn málimdedi.
-
Qazaqstannyń halyq ártisi Janıa Aýbakırova óziniń "Roıálmen jalǵyz" atty derekti esseler toptamasynda oryndaýshylyq óneriniń qyr-syryn ashyp, sahnadaǵy tájirıbesi men kásibı ómiriniń tyń qyrlaryn baıandady.
-
Qazaqstan qor bırjasyndaǵy saýda sesıasynyń qorytyndysy boıynsha ulttyq valúta negizgi álemdik valútalarǵa qatysty qunynyń ósýin kórsetti.
